Արմինֆո.Հայաստանում առաջին անհրաժեշտության ապրանքները թանկացել են 20 տոկոսով եւ ավելի։ Այդ մասին լրագրողների հետ զրույցում հաղորդել է "Այլընտրանք" հետազոտական կենտրոնի ղեկավար, տնտեսագիտության դոկտոր Թաթուլ Մանասերյանը ՝ ներկայացնելով կենտրոնի հաշվարկները։
"Պետք է ազնիվ լինել և հրապարակել այդ տվյալները։ Առանձին՝ խմբերով. հաց և հացաբուլկեղեն, կաթ և կաթնամթերք, միս և մսամթերք և այլն: Ես հավաստիացնում եմ, որ կառավարությունը չի տիրապետում այդ տվյալներին: Եվ Հայաստանում ձևավորվող գները նույնպես անուշադրության են մատնվում ինչպես Տնտեսական մրցակցության պաշտպանության կոմիտեի, այնպես էլ էկոնոմիկայի նախարարության կողմից", - հայտարարել է փորձագետը։
Հիշեցնելով, որ պետբյուջեում ամրագրված է 4% (+/- 1,5) գնաճի թիրախային ցուցանիշ, Մանասերյանն ընդգծեցլ է որ արդեն այդ շեմը անցել է, և տնտեսական անվտանգության տեսանկյունից սպառնալիքն ակնհայտ է: Բացի այդ, նա նշել է, որ Վիճակագրական կոմիտեի հրապարակած գնաճի մակարդակը մոտ 500 ապրանքային դիրքերի միջին ցուցանիշն է, ինչը կեղծ պատկերացում է ստեղծում երկրում իրական գնաճի մասին:
Նշենք, որ ըստ ՀՀ վիճակագրական կոմիտեի տվյալների, 2022թ. հուլիսին տարեկան գնաճը կազմել է 9,3 տոկոս (նախորդ տարվա 8,2 տոկոսից)՝ պարենային ապրանքների գների 12,9 տոկոս եւ ոչ պարենային ապրանքների գների 8,2 տոկոս աճի պատճառով՝ ծառայությունների սակագների 5,7 տոկոս բարձրացման դեպքում: Մասնավորապես, սննդամթերքից տարեկան կտրվածքով թանկացել են մրգերը՝ 21,7 տոկոսով, ոսպը ՝ 31,8 տոկոսով, հնդկաձավարը ՝ 28,6 տոկոսով, մակարոնեղենը ՝ 31,3 տոկոսով, պանիրը ՝ 26,2 տոկոսով, հացը ՝ 21,2 տոկոսով, տավարի միսը ՝ 20 տոկոսով, ալյուրը ՝ 18 տոկոսով եւ բրնձը ՝ 12,7 տոկոսով, իսկ ոչ պարենային ապրանքներից առավել զգալի թանկացել է դիզվառելիքը ՝ 43,2 տոկոսով (ընդ որում ՝ միայն 7 ամսում): Ինչ վերաբերում է ծառայությունների սակագներին, ապա տարեկան զգալի աճ է գրանցվել հանգստի կազմակերպման համալիր սպասարկման ոլորտներում '24,9%, մարզական եւ ժամանցային միջոցառումների կազմակերպման ոլորտներում' 20,5% եւ տրանսպորտի ոլորտում ' 12,9%:
2022թ. հունվար-հուլիս ամիսներին սպառողական շուկայում գնաճը բարձրացել է մինչեւ 4,9 տոկոս (մեկ տարի առաջ 3,3 տոկոսից), ինչը պայմանավորված էր պարենային ապրանքների 4,7 տոկոսով, ոչ պարենային ապրանքներինը ՝ 5,1 տոկոսով եւ ծառայությունների սակագների 4,9 տոկոսով թանկացմամբ: Իսկ 2021թ. հունվար-հուլիսի համեմատ սպառողական շուկայում գնաճը կազմել է 8,3% (մեկ տարի առաջվա 6,1% գնաճի դիմաց), ինչին նպաստել են պարենային և ոչ պարենային ապրանքների գրեթե նույնքան թանկացումները ՝ 13,1% և 6,4%, և ծառայությունների սակագների աճը ՝ 3,9%:
