Արմինֆո.AMX-ը արժեթղթերի շուկայի ակտիվ մասնակիցներին մրցանակներ է հանձնել: Հայաստանի ֆոնդային բորսան և Կենտրոնական դեպոզիտարիան ամեն տարի ամփոփում են նախորդ տարվա տվյալները և ներկայացնում մրցանակաբաշխության անվանակարգերի հաղթող՝ ամենաակտիվ, նորարար և լավագույն մասնակիցներին։
AMX-ի հաղորդագրության համաձայն, այս տարի, հիմնվելով 2021-ի ընթացքում ցուցաբերած ակտիվության և գործունեության վրա, երկու ընկերությունները միասին առաջադրել են 21 անվանակարգ։ Ընդ որում, այս տարի ևս նոր անվանակարգ է ավելացվել «Հատուկ մրցանակ» անվանակարգը, որի համար մրցանակ է ստացել «ԱԿԲԱԲԱՆԿ» ԲԲԸ-ն՝ կապիտալի շուկայում նորարար մեթոդներ ինտեգրելու և օգտագործելու համար։
AMX-Հայաստանի ֆոնդային բորսայի գործընկեր-մրցանակակիրներն են՝
- «ԱՄԵՐԻԱԲԱՆԿ» ՓԲԸ՝ լավագույն հաշվետու թողարկող` կորպորատիվ արժեթղթերի շուկայում շրջանառվող պարտատոմսերի մասով, Բորսայի լավագույն անդամ` կորպորատիվ արժեթղթերի շուկայում, պետական պարտատոմսերի լավագույն շուկա ստեղծող;
-«ԱՍԿԵ ԳՐՈՒՊ» ԲԲԸ՝ լավագույն հաշվետու թողարկող` կորպորատիվ արժեթղթերի շուկայում շրջանառվող բաժնետոմսերի մասով;
- «ԼԵՆԴՄԱՐԿ ԿԱՊԻՏԱԼ» ՓԲԸ՝ կորպորատիվ պարտատոմսերի լավագույն տեղաբաշխող` Բորսայի կորպորատիվ արժեթղթերի տեղաբաշխման համակարգով, Բորսայի լավագույն նորարար անդամ;
- «ՅՈւՆԻԲԱՆԿ» ԲԲԸ՝ Բաժնետոմսերի լավագույն տեղաբաշխող` Բորսայի կորպորատիվ արժեթղթերի տեղաբաշխման համակարգով ;
- «ԿՈՆՎԵՐՍ ԲԱՆԿ» ՓԲԸ՝ Բորսայի լավագույն անդամ` պետական պարտատոմսերի շուկայում,
- «ԱՐՄԲՐՈԿ» ԲԲԸ՝ Բորսայի լավագույն անդամ` ռեպո և սվոպ գործառնությունների անվանակարգում;
- «ԱՐԱՐԱՏԲԱՆԿ» ԲԲԸ՝ Կորպորատիվ արժեթղթերի լավագույն շուկա ստեղծող;
-«ՎՏԲ-ՀԱՅԱՍՏԱՆ ԲԱՆԿ» ՓԲԸ՝ Բորսայի լավագույն անդամ՝ բրոքեր Պետական պարտատոմսերի շուկայում;
- «ԱՐԴՇԻՆԲԱՆԿ» ՓԲԸ՝ Բորսայի լավագույն անդամ՝ բրոքեր Կորպորատիվ արժեթղթերի շուկայում,
Բորսայի լավագույն անդամ՝ գլխավոր անվանակարգ (Grand Prix);
- «ԱյԴի ԲԱՆԿ» ՓԲԸ աշխատակից Դիանա Շաքարյան՝ Լավագույն գործընկեր՝ առևտրի մասնակից:
AMX-Հայաստանի կենտրոնական դեպոզիտարիայի մրցանակաբաշխության մրցանակակիրներն են՝
- «ԱՐՄԲՐՈԿ» ԲԲԸ՝ Կորպորատիվ արժեթղթերի շուկայում դեպոզիտար համակարգի հաշվի լավագույն օպերատոր-պահառու, Դեպոզիտար համակարգի հաշվի լավագույն օպերատոր-ռեեստրավար, Արժեթղթերի հաշվառման և հաշվարկային միասնական համակարգի լավագույն անդամ;
- «ԱՄԵՐԻԱԲԱՆԿ» ՓԲԸ՝ Օտարերկրյա արժեթղթերի շուկայում դեպոզիտար համակարգի հաշվի լավագույն օպերատոր-պահառու;
- «ԱՐՄՍՎԻՍԲԱՆԿ» ՓԲԸ, «ԿՈՆՎԵՐՍ ԲԱՆԿ» ՓԲԸ՝ Կարգավորվող շուկայի հաշվարկային համակարգի լավագույն անդամ;
- «ԱԿԲԱ ԲԱՆԿ» ԲԲԸ աշխատակից Սիրանուշ Հարությունյան՝ Արժեթղթերի հաշվառման և հաշվարկային միասնական համակարգի անդամի լավագույն աշխատակից;
-«ԱԿԲԱ ԲԱՆԿ» ԲԲԸ՝ Հատուկ մրցանակ:
Մրցանակների հանձնման արարողության ժամանակ Հայաստանի ֆոնդային բորսայի գլխավոր տնօրեն Հայկ Եգանյանը անդրադարձել է AMX-ի գործընկերների կարևորությանը և նշել, - «Մեր ընկերության գրանցած հաջողություններում մեծ է մեր գործընկերների ներդրումը: Ձեր շնորհիվ է, որ այսօր Հայաստանում ունենք զարգացող ֆինանսական շուկա, որը գրավիչ է դրսից ներդրողների համար»:
Հաշվի առնելով ֆինանսական շուկայում տեղի ունեցող դրական փոփոխությունները՝ առաջիկայում անվանակարգերի թիվն ավելի է ընդլայնվելու։
Նշենք, որ Հայաստանի ֆոնդային բորսան՝ AMX-ը, Հայաստանում գործող արժեթղթերի կարգավորվող շուկայի միակ օպերատորն է: AMX - ն առաջարկում է բորսային ծառայությունների ամբողջական փաթեթ ՝ ցուցակում, թրեյդինգ, քլիրինգային և տեղեկատվական ծառայություններ, այլընտրանքային բորսային լուծումներ: Բորսային վերջնական հաշվարկն իրականացնում է Հայաստանի Կենտրոնական դեպոզիտարիան, որի 100% բաժնետերը Հայաստանի ֆոնդային բորսան է: AMX - ի առաքելությունն է զարգացնել կապիտալի շուկայի բորսայական ենթակառուցվածքը' այն վերածելով Հայաստանի տնտեսության զարգացման համար ակտիվ ֆինանսական գործիքի:
