Արմինֆո.ՀՀ վարչապետ Նիկոլ Փաշինյանը Վլադիվոստոկում կմասնակցի "Բազմաբևեռ աշխարհի ճանապարհին" թեմայով արևելյան 7-րդ տնտեսական համաժողովի լիագումար նստաշրջանին, որը տեղի կունենա սեպտեմբերի 7-ին՝ Ռուսաստանի նախագահ Վլադիմիր Պուտինի և այլ պետությունների ղեկավարների մասնակցությամբ:
Կրեմլի պաշտոնական կայքում զետեղված հաղորդագրության համաձայն, համաժողովին կմասնակցեն նաեւ Մյանմայի պետական վարչական խորհրդի նախագահ, ժամանակավոր կառավարության վարչապետ, զինված ուժերի գլխավոր հրամանատար Մին Աուն Հլայնը, Մոնղոլիայի վարչապետ Լուվսաննամսրայն Օյուուն-Էրդենեն եւ Ժողովրդական ներկայացուցիչների համաչինական ժողովի մշտական կոմիտեի նախագահ Լի Չժանշուն:
Նշվում է նաև, որ օրվա ընթացքում նախատեսված են Վլադիմիր Պուտինի երկկողմ հանդիպումներ արտասահմանյան առաջնորդների հետ, որոնք հրավիրվել են ԱՏՀ-2022-ին: Մտքեր կփոխանակվեն երկկողմ և տարածաշրջանային օրակարգի արդիական հարցերի շուրջ։ Արեւելյան տնտեսական համաժողովը տեղի կունենա Վլադիվոստոկում սեպտեմբերի 5-8-ը:
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |