Արմինֆո. ՀՀ վիճակագրական կոմիտեի տվյալներով, 2022թ. հուլիսին Հայաստանում աշխատողների թիվը կազմել է 683 152 մարդ, որից 202 987-ը՝ պետական հատվածում, 480 165-ը՝ ոչ պետական: Այդ մասին հաղորդում է ԱԺ տնտեսական հարցերի մշտական հանձնաժողովի փոխնախագահ Բաաբկեն Թունյանը՝ «Ֆեյսբուքի» իր էջում:
«Նախորդ տարվա հուլիսի համեմատ աշխատողների թվաքանակն աճել է 30.7 հազար մարդով կամ 4.7%-ով:
Նախաճգնաժամային 2019թ. հուլիսի համեմատ աշխատողների թիվն աճել է ավելի քան 80 հազարով կամ 13.3%-ով:
Աշխատողների թվի աճը նախորդ տարվա համեմատ գրանցվել է բացառապես մասնավոր հատվածի հաշվին (7% աճ): Պետական հատվածի աշխատողների թիվը նվազել է 0.2%-ով:
Ըստ ոլորտների՝ տոկոսային առումով ամենաբարձր աճը գրանցվել է ՏՏ ոլորտում՝ 43.8%: Ոլորտի աշխատողների թիվը 20.7 հազարից մոտեցել է 30 հազարի:
683 152 հոգուց մեծ մասը զբաղված են մանրամեծածախ առևտրի (122 252 մարդ), կրթության (111 088 մարդ), մշակող արդյունաբերության (79 379 մարդ), առողջապահության և սոցապ սպասարկման (48 996 մարդ) ոլորտներում:
Պետական կառավարման ոլորտում աշխատողների թիվը այս տարվա հուլիսին կազմել է 34 311 մարդ, որը նախորդ տարվա հուլիսի ցուցանիշից ցածր է 4.8%-ով», - գրել է Թունյանը:
RUB | 4.16 | -0.01 |
USD | 388.00 | 0.19 |
EUR | 416.21 | 0.59 |
GBP | 486.55 | 0.66 |
CAD | 283.50 | -0.55 |
JPY | 24.73 | -0.15 |
CNY | 53.58 | 0.02 |
CHF | 425.72 | 0.26 |