Արմինֆո. Սեպտեմբերի 22-ին Իտալիայի Միլան քաղաքում մեկնարկել է «Տեքստիլ Ալիանս Հայաստան-Իտալիա» համաժողովը։
Հայաստանի էկոնոմիկայի նախարարության հաղորդագրության համաձայն, միջոցառման բացմանը ողջույնի խոսքով հանդես են եկել ՀՀ Էկոնոմիկայի նախարարի տեղակալ Ռաֆայել Գևորգյանը և Իտալիայում ՀՀ արտակարգ և լիազոր դեսպան Ծովինար Համբարձումյանը:
Եռօրյա միջոցառման շրջանակներում Հայաստանի տեքստիլի և նորաձևության ոլորտի ներկայացուցիչները հնարավորություն կունենան ներկայանալ իրենց արտադրանքով, աշխատանքային քննարկումներ ունենալ իտալացի մասնագետների հետ, ինչպես նաև այցելել տեքստիլ ոլորտի գործարաններ, ընկերություններ և ցուցահանդեսներ:
Համաժողովի նպատակն է զարգացնել հայ արտադրողների կարողությունները, ինչպես նաև ամրապնդել միջազգային համագործակցությունը:
Նշենք, որ ըստ Վիճակագրական կոմիտեի տվյալների, այս տարվա հունվար-հուլիս ամիսներին տեքստիլ արդյունաբերությունը գրանցել է 40,9 տոկոս աճ՝ գերազանցելով 1,4 մլրդ դրամի ծավալը։
