Արմինֆո. Ադրբեջանական զինուժը գնդակոծել է բարձրավոլտ էլեկտրական գծերը, որոնցով Հայաստանը մեծ ծավալներով էլեկտրաէներգիա է մատակարարում Իրան։ Այդ մասին սեպտեմբերի 29-ին Գեղարքունիքի մարզի Կութ գյուղում հայտարարել է տարածքային կառավարման եւ ենթակառուցվածքների նախարար Գնել Սանոսյանը՝ ՀՀ-ում հավատարմագրված դեսպանների հետ հանդիպման ժամանակ։
"Կարող է թվալ, որ էլեկտրական գծերը պատահաբար ենթարկվել են հրետակոծության, սակայն ադրբեջանական ԶՈՒ-ն 12 ժամ թույլ չի տվել մոտենալ մասնագետներին , որոնք մտադիր էին վերականգնել էլեկտրահաղորդման գծերը ։ Ամեն անգամ, երբ նրանք (մասնագետները-խմբ.) մոտենում էին գծերին, հայտնվում էին գնդակոծության տակ և ստիպված վերադառնում էին", - ասել է նախարարը ։ Արդյունքում, ըստ նրա, ավելցուկային էլեկտրականության պատճառով Հայաստանը ստիպված էր կրկնակի կրճատել ատոմակայանի, ինչպես նաև Երևանի ՋԷԿ-ի և մի շարք այլ էլեկտրակայանների հզորությունը ։
"Միտումնավոր խախտվել է մեր ողջ էներգետիկ համակարգը, մեզ ժամերով թույլ չէին տալիս վերականգնել այն ։ Սա տիպիկ նկարագրություն է այն բանի, որ քաղաքացիական ենթակառուցվածքը ակնհայտորեն թիրախավորված էր", - ընդգծել է ՏԿԵՆ ղեկավարը։
Նա հիշեցրել է, որ մի քանի արկ ընկել է Կեչուտի ջրամբարը, որն այսօր ամբողջությամբ լցված է ջրով ։ Բարեբախտաբար, վնասվածքներ չկան, նշել է նա, հավելելով, որ դժվար չէ կանխատեսել հետեւանքները, եթե պատնեշը վնասվեր։
RUB | 4.22 | 0.00 |
USD | 388.08 | -0.52 |
EUR | 416.29 | -0.44 |
GBP | 485.57 | -0.41 |
CAD | 284.16 | 0.14 |
JPY | 24.75 | -0.24 |
CNY | 53.55 | -0.08 |
CHF | 425.34 | -0.20 |