Արմինֆո.ՀՀ կառավարությունը հոկտեմբերի 6-ին հավանությւոն է տվել Հայաստանի Հանրապետության կառավարության եւ Հնդկաստանի Հանրապետության կառավարության միջեւ համայնքների զարգացման բարձր արդյունավետ ծրագրերի իրականացման համար Հնդկաստանի դրամաշնորհային աջակցության մասին 2022 թվականի հուլիսի 4-ին ստորագրված փոխըմբռնման հուշագիրը հաստատելու մասին նախագահի հրամանագրին:
Փաստաթղթի պարզաբանման համաձայն, հուշագրի շրջանակներում Հայաստանը կստանա 478,2 մլն դրամ (մոտ 1,2 մլն դոլար)։ Նշվում է, որ Հնդկաստանի աջակցությամբ Հայաստանում մարդասիրական-տեխնիկական աջակցության ծրագրերի շրջանակներում իրականացվել են բազմաթիվ ծրագրեր: Հաշվի առնելով Հնդկաստանի աջակցությամբ Հայաստանում տարբեր ծրագրերի իրականացման հնարավորությունը, դրանց արդյունավետությունը, ինչպես նաև Հայաստանի Հանրապետության սոցիալ-տնտեսական զարգացման ծրագրերի իրականացման համար անհատույց օգնություն ցուցաբերելու հնդկական կողմի առաջարկը, անհրաժեշտ էր ստորագրել փոխըմբռնման հուշագիր: Դրա իրականացման ուղղությունները և շահառուները կորոշվեն կողմերի երկուստեք համաձայնությամբ՝ փոխադարձ ստորագրումից հետո:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |