Արմինֆո. Էկոնոմիկայի նախարարի տեղակալ Ռաֆայել Գևորգյանի գլխավորությամբ հոկտեմբերի 11-ին տեղի է ունեցել հանդիպում-քննարկում կոշիկի և կաշվե իրերի արտադրության ոլորտի ներկայացուցիչների հետ։
Էկոնոմիկայի նախարարության հաղորդագրության համաձայն, հանդիպման ընթացքում փորձագետները ներկայացրել են կոշիկի և կաշվե իրերի արդյունաբերության զարգացման ռազմավարության ծրագիրը և ոլորտի զարգացմանն ուղղված պետության կողմից նախատեսվող աջակցության գործիքները։
Մտքեր են փոխանակվել արտահանման շուկաների ընդլայնման, որակյալ և բարձրարժեք կաշվե արտադրանքի նկատմամբ պահանջարկի բարձրացման, ինչպես նաև հայկական նոր բրենդների ստեղծման ու զարգացման վերաբերյալ։
Ծրագիրը մշակվել է ՀՀ էկոնոմիկայի նախարարության, Գերմանիայի միջազգային համագործակցության ընկերության (GIZ)-ի և «Սիվիտտա Հայաստան» միջազգային խորհրդատվական ընկերության հետ համատեղ։
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |