Արմինֆո. Հայաստանի ԱԸ-ներն ապահովագրության գծով շահույթն ստանում են առավելապես ԱՊՊԱ-ից եւ բժշկական ապահովագրությունից' 8.1-7.6 մլրդ դրամ, փոքր-ինչ պակաս' գույքի ապահովագրությունից, ԿԱՍԿՈ-ից, դժբախտ պատահարներից ապահովագրությունից -
3.6-1.3 մլրդ դրամ: Այդ մասին են վկայում ՀՀ ԿԲ ստանդարտների համաձայն ԱԸ պորտֆելների հաշվետվությունների տվյալները, որոնք տրամադրվել են ԱրմԻնֆո-ին՝ "Հայաստանի ապահովագրական ընկերությունների 30.09.2022 թ. ֆինանսական վարկանիշը" նախապատրաստելու համար ՝ ապահովագրության գործարկված դասերից յուրաքանչյուրի վերաբերյալ ամբողջական պատկերի ներկայացմամբ:
Ապահովագրական ընկերությունները փոքր-ինչ պակաս շահույթ են ստանում ընդհանուր պատասխանատվության, բեռնափոխադրումների և զբոսաշրջության ապահովագրությունից՝ 978.7 - 728.4 մլն դրամ։ Շատ ավելի ցածր՝ ավտոտրանսպորտի օգտագործումից պատասխանատվության ապահովագրության գծով՝ 103.7 մլն դրամ։
Ըստ Ֆինանսական վարկանիշի՝ ապահովագրության մնացած դասերի գծով հաշվետու ժամանակահատվածում փոխհատուցումների բացակայության պատճառով, ապահովագրության գծով շահույթը ձևավորվել է զուտ հավաքված ապահովագրավճարների հաշվին: Այսպես, ավիացիոն ապահովագրության գծով հաշվետու ժամանակահատվածում հավաքվել են 494 մլն դրամի ապահովագրավճարներ, ֆինանսական վնասի ապահովագրության գծով՝ 788.3 մլն դրամ, վարկային ռիսկի գծով՝ 65.5 մլն դրամ։
Նշված դասերի գծով շահույթի ամենամեծ տարեկան աճը գրանցվել է գույքի ապահովագրության գծով՝ 2,1 անգամ, ընդհանուր պատասխանատվության գծով՝ 67,2%, զբոսաշրջության ապահովագրության գծով՝ 61%, իսկ ԱՊՊԱ-ի գծով մի փոքր պակաս՝ 53%: Այդ ցուցանիշին աճի տեմպերով հաջորդում են ԿԱՍԿՕ-ն՝ 36,4%,, բուժապահովագրությունը' 33,3%, բեռնափոխադրումների ապահովագրությունը' 29,3%, տրանսպորտային միջոցների օգտագործումից պատասխանատվությն ապահովագրությունը' 17,6%, եւ շահույթի բոլորովին չնչին աճ է արձանագրվել դժբախտ պատահարներից ապահովագրության գծով' 1%:
Մնացած դասերի գծով, որոնց շահույթը ձևավորվել է զուտ ապահովագրավճարների հաշվին, ամենամեծ տարեկան աճը գրանցվել է ավիացիոն ապահովագրության գծով՝ 2,6 անգամ, իսկ ֆինանսական վնասի ապահովագրության գծով այդ ցուցանիշի աճը համեստ է՝ 10,3%։ Իսկ վարկային ռիսկի ապահովագրության գծով ապահովագրավճարները նվազել են 21,4% - ով։
Դասերի շարքում կան համեմատաբար ավելի ուշ ներդրված ենթատեսակներ. սեյսմիկ ռիսկերի ապահովագրություն (երկրաշարժերից) և գյուղատնտեսական ռիսկերի ապահովագրություն (ագրոապահովագրություն), որոնց վերաբերյալ տվյալները ԱԸ-ների ֆինանսական հաշվետվություններում, բացի առանձին նշումից, ներառված են նաև ապահովագրության համապատասխան դասերում (հրդեհներից, տարերային աղետներից, այլ վնասներից՝ գույք)։ Այս ենթատեսակներից սեյսմիկ ռիսկերի ապահովագրության գծով շահույթը, փոխհատուցումների բացակայության պատճառով, ձևավորվում է զուտ ապահովագրավճարների հաշվին, որոնք տարեկան կտրվածքով 20,3% - ով ավելացել են, իսկ ագրոապահովագրության գծով այս անգամ ապահովագրավճարների նկատմամբ փոխհատուցումների գերակշռումը հանգեցրել է շահույթի 3 անգամ անկման՝ մինչև 326 մլն դրամի վնաս։
ԱՊՊԱ-ի և բեռնափոխադրումների ապահովագրության ապահովագրավճարների գծով առաջատարը "Ռոսգոսստրախ Արմենիա" ԱԸ-ն է, բժշկական ապահովագրության, հրդեհներից և տարերային աղետներից գույքի ապահովագրության, դժբախտ պատահարներից, զբոսաշրջության ապահովագրության, ԿԱՍԿՕ-ի գծով ՝ "ԻՆԳՈ ԱՐՄԵՆԻԱ" ԱԸ-ն, ընդհանուր պատասխանատվության, այլ վնասներից գույքի ապահովագրության գծով' "Նաիրի Ինշուրանս" ԱԸ-ն, իսկ ավիաապահովագրության գծով առաջատարի դիրքը բաշխվել է "ԻՆԳՈ ԱՐՄԵՆԻԱ" ԱԸ-ի (ավիատրանսպորտ) և "Սիլ Ինշուրանս" ԱԸ-ի (օդային տրանսպորտի օգտագործման պատասխանատվություն) միջեւ:
Ընդհանուր առմամբ, ապահովագրական գծով շահույթը տարեկան կտրվածքով աճել է 48,6% - ով՝ մինչեւ 26,3 մլրդ դրամի՝ փոխհատուցումների նկատմամբ ապահովագրավճարների աճի տեմպերի զգալի գերակշռման հաշվին՝ 25,4% ՝ 5,2% - ի դիմաց, ինչը ապահովագրավճարների օգտին խզումն ավելացրել է մինչև 2,2 անգամ։ Ապահովագրավճարների ծավալը 2022թ. 9 ամիսների արդյունքներով կազմել է 47.6 մլրդ դրամ, իսկ հատուցումներինը՝ 21.3 մլրդ դրամ:
Արդյունքում՝ Հայաստանի ապահովագրական հատվածի գործունեության բոլոր տեսաակներից զուտ շահույթը ս.թ. 9 ամսում կազմել է 3.6 մլրդ դրամ ՝ տարեկան կտրվածքով աճելով 6.3 անգամ։ Զուտ շահույթի մակարդակով առաջին երկու հորիզոնականները զբաղեցնում են "Նաիրի Ինշուրանս" և "Ռոսգոսստրախ Արմենիա" ԱԸ-ները։
Հիշեցնենք, որ Հայաստանի ապահովագրական շուկայում գործում է 6 ընկերություն՝ առկա 20 դասերից 17-ով, բացառությամբ՝ երկաթուղային տրանսպորտի, երկաթուղային տրանսպորտի օգտագործումից պատասխանատվության ապահովագրության, դատական և արտադատական ծախսերի ապահովագրության: 2019թ. - ից պորտֆելի գծով ֆինանսական հաշվետվություններում, ՀՀ ԿԲ պահանջի հիման վրա, ավելացվել է սեյսմիկ ռիսկերի (երկրաշարժերից) ապահովագրության գիծը, իսկ 2020թ. երկրորդ եռամսյակից ՝ գյուղատնտեսական ռիսկերի ապահովագրության գիծը (ագրոապահովագրություն), որի վերաբերյալ տվյալները, բացի առանձին նշումից, ներառված են նաև ապահովագրության համապատասխան դասերում (հրդեհներից, տարերային աղետներից, այլ վնասներից գույք), ինչի արդյունքում ամփոփիչ ցուցանիշներում հաշվի չեն առնվում: Առավել թվով դասերով լիցենզավորված են "ԻՆԳՈ Արմենիա" ԱԸ - ն ՝ 16 (ջրային տրանսպորտի ապահովագրության դասով աշխատող միակ ԱԸ) և "Ռոսգոսստրախ Արմենիա" ԱԸ՝ 15: (Դրամի հաշվարկային փոխարժեքը դոլարի նկատմամբ 30.09.22-ի դրությամբ կազմել է 405.65 դրամ/1դոլար):
Ալեքսեյ Մելնիկով. ՀԿԵ-ն թողունակության բավականին լուրջ պաշար ունի
Հայաստանում դոլարային հիփոթեքի արգելքը՝ սպառողի շահերի պահապան թե բանկային շահերի լոբբինգ. Կարեն Զաքարյան
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը