Արմինֆո.FLYONE ARMENIA ավիաընկերությունը սույն թվականի դեկտեմբերի 14-ից մեկնարկելու է Երևան-Բեյրութ-Երևան երթուղով չվերթերը:
Ինչպես հաղորդում է «Արմենիա» միջազգային օդանավակայաններ» ՓԲԸ մամուլի ծառայությունը, չվերթերը կիրականացվեն շաբաթական երկու չվերթ հաճախականությամբ՝ յուրաքանչյուր չորեքշաբթի և կիրակի օրերին:
«Ավիատոմսերի առկայության, վերջիններիս ձեռքբերման և այլ մանրամասների համար խնդրում ենք այցելել ավիաընկերության կայք՝ flyone.am կամ կապ հաստատել տեղական տուրիստական գործակալությունների հետ», - ասվում է հաղորդագրությունում:
Նշենք, որ առաջին չվերթը դեպի Լիբանան ընկերությունը պետք է կատարեր 2022 թվականի հունիսի 16-ին, սակայն հունիսի 25-ին հաղորդագրություն տարածվեց այն մասին, որ թուրքական ավիացիոն իշխանությունները FLYONE ARMENIA-ին թույլտվությունը չեն տրամադրել իրենց երկրի օդային տարածքով թռիչքներ իրականացնելու համար:
