Արմինֆո.2022 թվականի 10 ամիսների ընթացքում Հայաստան է այցելել 1.4 մլն զբոսաշրջիկ, մինչդեռ, մեկ տարի առաջ նույն ժամանակահատվածում զբոսաշրջային հոսքը կազմել է 718 հազար մարդ։
Ինչպես հաղորդում է Էկոնոմիկայի նախարարության մամուլի ծառայությունը, վկայակոչելով Զբոսաշրջության կոմիտեի տվյալները, հաշվետու ժամանակահատվածում Հայաստան ժամանած զբոսաշրջիկների ամենամեծ թիվը (46%) բաժին է ընկնում ՌԴ քաղաքացիներին, այնուհետեւ մեծ տարբերությամբ հետեւում են Վրաստանի (8%), Իրանի (7%), ԱՄՆ (4%) եւ Գերմանիայի (2%) քաղաքացիները:
Միայն հոկտեմբերին Հայաստանում գրանցվել է 154 847 զբոսաշրջիկ (2021թ. նույն ամսվա 98 970-ի փոխարեն)։
Հիշեցնենք, որ 2021 թվականին Հայաստան է այցելել 870 հազար զբոսաշրջիկ, 2020 թվականին՝ 375 հազար զբոսաշրջիկ, իսկ 2019 թվականին՝ ավելի քան 1,8 միլիոն զբոսաշրջիկ։
