Արմինֆո.Արդշինբանկն այսօր հաճախորդներին հասանելի դարձրեց ևս մեկ նորարարական վճարային լուծում՝ Google Pay-ը: Այժմ անհպում վճարումները բանկի քարտապանները կարող են կատարել արագ, հեշտ և անվտանգ Android օպերացիոն համակարգով աշխատող հեռախոսներով և Wear OS ժամացույցներով ավելի քան 45 երկրների առևտրի կետերում, ինչպես նաև Google Pay վճարումներ ընդունող առցանց խանութներում:
Google Pay-ը հասանելի կլինի Արդշինբանկի կողմից թողարկված Visa և Mastercard դեբետային և վարկային բոլոր քարտերի համար:
Արդշինբանկը առաջին բանկերից է Հայաստանում, որ հաճախորդներին առաջարկեց անհպում վճարումներ կատարել անմիջապես հեռախոսների, պլանշետների կամ խելացի ժամացույցների միջոցով: Google Pay ծառայության ներդրմամբ մենք միջազգայնորեն ճանաչված վճարային գործիքները հասանելի ենք դարձնում ինչպես Android, այնպես էլ iOS սարքեր օգտագործող մեր հաճախորդներին՝ նրանց հնարավորություն տալով իրենց գումարը տնօրինել իրենց ամենահարմար եղանակով, - բացատրում է Արդշինբանկի Մանրածախ բիզնեսի տնօրեն Արտակ Խաչատրյանը:
Արդշինբանկի քարտը Google Pay-ով օգտագործելու համար անհրաժեշտ է պարզապես Արդշինբանկի մոբայլ հավելվածի քարտեր բաժնից այն ընտրել, սեղմել «Add to Google Pay» կամ ավելացնել Google Wallet հավելվածում՝ սեղմելով «Add to card» և հետևել պարզ քայլերին:
RUB | 4.22 | 0.04 |
USD | 388.60 | -1.44 |
EUR | 416.73 | 1.10 |
GBP | 485.98 | 4.24 |
CAD | 284.02 | -0.58 |
JPY | 24.99 | -0.21 |
CNY | 53.63 | -0.19 |
CHF | 425.54 | -2.14 |