 |
 |
 |
 |
 |
 |
 |
 |
 |
 |
 |
 |
 |
 |
 |
 |
Արմինֆո. Հայաստանի արտաքին գործերի նախարարի տեղակալ Մնացական Սաֆարյանը բարձր է գնահատել Իրանի սկզբունքային եւ կառուցողական դիրքորոշումը տարածաշրջանի երկրների ինքնիշխանության եւ միջազգային սահմանների անխախտելիության վերաբերյալ: Այդ մասին նա հայտարարել է նոյեմբերի 20-ին Իրանի ԱԳ նախարար Հոսեյն Ամիր Աբդոլահիանի հետ հանդիպման ժամանակ։
Ինչպես հաղորդում է Mehr-ը, բանակցությունների օրակարգում եղել են երկկողմ եւ տարածաշրջանային օրակարգի հարցեր: Անդրադառնալով Իրանի արտգործնախարարի վերջերս Հայաստան կատարած այցին և Կապանում ԻԻՀ գլխավոր հյուպատոսության բացմանը՝ Սաֆարյանն այդ իրադարձությունները համարել է կարևոր և շրջադարձային պահ երկու երկրների միջև հարաբերությունների համար:
Մատնանշելով Իրանի և Հայաստանի միջև երկկողմ տնտեսական հարաբերությունների ընդլայնման առկա ներուժը՝ փոխնախարարն ընդգծել է ձեռք բերված պայմանավորվածությունների կատարման նկատմամբ վերահսկողության և դրանց իրականացման ուղղությամբ ջանքերի անհրաժեշտությունը:
Ամիր Աբդոլլահիանն, իր հերթին, գոհունակություն է հայտնել երկու բարեկամ և հարևան երկրների միջև զարգացող հարաբերությունների առնչությամբ: Նա նաեւ Կապանում Իրանի Իսլամական Հանրապետության գլխավոր հյուպատոսության բացումը գնահատել է որպես գործնական եւ կարեւոր քայլ երկու երկրների համար՝ առեւտրական փոխանակումների ավելացման եւ տնտեսական հարաբերություններում հնարավորությունների ընդլայնման ուղղությամբ:
 RUB | 5.59 | -0.02 |
 USD | 395.88 | -0.74 |
 EUR | 424.11 | -2.85 |
 GBP | 474.86 | -2.19 |
 CAD | 294.99 | -0.11 |
 JPY | 30.00 | 0.00 |
 CNY | 58.25 | -0.30 |
 CHF | 427.42 | -0.71 |
Տիգրան Ջրբաշյան. ԱՊԱ ներկայումս առաջարկվող տեսքով ներդրումը չի հանգեցնի համակարգի արդյունավետության և որակի բարձրացմանը
ԵԱՏՄ երկրներ ավտոմեքենա վաճառելիս ՊԵԿ-ի տեղեկանքները չեղարկվել են
Հայաստանի տնտեսությունն անառողջ է. տնտեսագետն առաջարկում է առկա խնդիրների լուծման եղանակներ
ԱԶԲ պատվիրակությունն այցելել է Հյուսիս-Հարավ ճանապարհային միջանցքի Սիսիան-Քաջարան հատված
Հայաստանի բանկերի միության խորհրդի նախագահ է ընտրվել Մհեր Անանյանը