Արմինֆո.Հայաստանի տնտեսությունն արագ վերականգնվել է "սեպտեմբերյան շոկից" հետո։ Այդ մասին ֆեյսբուքյան իր էջում գրել է ՀՀ էկոնոմիկայի նախարար Վահան Քերոբյանը։
Այդ առնչությամբ նա վկայակոչել է վիճակագրական կոմիտեի՝ հոկտեմբերին հրապարակված նախնական տվյալները, որտեղ տնտեսական ակտիվության ցուցանիշը կազմել է 117,5 տոկոս, իսկ առաջին 10 ամիսներին՝ 114,5 տոկոս։
Հիշեցնենք, որ սեպտեմբերի 13-14-ը ադրբեջանական զինված ուժերը ռազմական ագրեսիա են իրականացրել Հայաստանի ինքնիշխան տարածքի վրա ՝ սահմանի ողջ երկայնքով, ինչի հետևանքով Գեղարքունիքի մարզում տուժել է 12 բնակավայր, իսկ, ընդհանուր առմամբ, 36 բնակավայր, այդ թվում՝ Գորիս, Սիսիան, Կապան, Ջերմուկ, Վարդենիս, Տեղ, Գեղամասար համայնքները, ինչի հետևանքով ամբողջությամբ կամ մասնակի այրվել է 192 բնակելի տուն, 3 հյուրանոց, 2 դպրոց, 1 բուժհաստատություն, 1 հանդիսությունների սրահ, 4 անասնագոմ: Վնասվել է 7 էներգետիկ ենթակառուցվածք, ջրամատակարարման 5 ենթակառուցվածք, 3 գազատար, 1 կամուրջ, 2 ավտոճանապարհ, 1 փողոց։ Հարվածի տակ են հայտնվել շտապօգնության 2 մեքենա, 4 մասնավոր մեքենա։ Զոհվել է 4 խաղաղ բնակիչ, ևս 6-ը տարբեր աստիճանի վնասվածքներ են ստացել։ Մոտ հազար երեխա զրկված է կրթական հաստատություններ այցելելու հնարավորությունից։ Ավելի քան 7 հազար քաղաքացի տարհանվել է։
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |