Արմինֆո.Հայաստանում կփոխվեն գույքահարկի վճարման ժամկետները։ ՀՀ Ազգային ժողովի տնտեսական հարցերի հանձնաժողովը դրական եզրակացություն է տվել Հարկային օրենսգրքում փոփոխությունների նախագծին:
Ինչպես իր ելույթում նշել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը, ֆիզիկական անձանց համար վճարման ժամկետները կմնան նույնը' միանվագ յուրաքանչյուր օրացուցային տարվա ընթացքում, իսկ իրավաբանական անձանց համար' յուրաքանչյուր վեց ամիսը մեկ: Դրանով, ինչպես նշել է փոխնախարարը, պայմաններ կստեղծվեն տեղական ինքնակառավարման մարմինների բյուջեներում համաչափ դրամահավաքի համար, հատկապես, խոշոր քաղաքներում ՝ Երեւանում, Գյումրիում եւ Վանաձորում: Այս հարկատեսակով ամեն տարի նոյեմբեր ամսին տեղական ինքնակառավարման մարմինների բյուջեները համալրվում էին ամսական 2 մլրդ դրամով, իսկ նոյեմբեր-դեկտեմբեր ամիսներին հարկային հատկացումների չափը ամսական բարձրանում էր մինչեւ 6 մլրդ դրամ։ Օրենքի ընդունմամբ հնարավոր կլինի այդ 6 մլրդ դրամից մինչեւ հուլիս տեղական բյուջեներ ուղղել բոլոր հատկացումների մինչեւ 40 տոկոսը։
