ՓՄՁ մասնաբաժինը ֆորմալ զբաղվածության կառուցվածքում ամրապնդվում է. Ֆանյան

Արմինֆո. ՓՄՁ մասնաբաժինը ֆորմալ զբաղվածության կառուցվածքում ամրապնդվում է, Facebook սոցիալական ցանցի իր էջում գրել է Modex խորհրդատվական ընկերության տնօրեն Հայկազ Ֆանյանը։

Մասնավորապես, 2021թվի տվյալներով ՓՄՁ-ներում զբաղված է մոտ 457.3 հազար աշխատող, կամ ընդհանուր գրանցված աշխատողների 68.1%-ը։ 2021թվին ՓՄՁ աշխատողների մասնաբաժինը նախորդ երկու տարիների համեմատ ավելացել է շուրջ 1%-ային կետով։ 2021թվի տվյալներով ՓՄՁ աշխատողների 16.9%-ը ներգրավված են առևտրի ոլորտում։

«ՓՄՁ-ների դերը մեր ֆորմալ զբաղվածության մեջ շատ մեծ է, բայց «ձայնը» հարաբերականորեն քիչ լսելի, կարծում եմ 2023թ-ին ոլորտի բիզնես ասոցիացիաների հիմնական խնդիրներից մեկը պետք է լինի գործունեության ակտիվացումը», - նշել է Հայկազ Ֆանյանը։