Արմինֆո. ՀՀ էկոնոմիկայի նախարարությունը եւ Ներդրումային խորհուրդը մշակել են Սյունիքի եւ Վայոց ձորի մարզերի հյուրանոցային հատվածին աջակցելու ծրագիր:
Նախագիծը ենթադրում է մասնակի այն կազմակերպությունների ծախսերի փոխհատուցում, որոնք մինչև 2023 թվականի մայիսի 10-ը կօգտվեն Սյունիքի և Վայոց ձորի հյուրանոցների և հյուրատների ծառայություններից։
Մասնավորապես, ընկերությունները կարող են դիմել 60% (բայց ոչ ավելի, քան 3 մլն դրամ) փոխհատուցման համար՝ եթե ծառայություններից օգտվել է, առնվազն, 5 աշխատակից:
Նախագծում ասվում է, որ այդ նախաձեռնությունը չափազանց կարևոր է Հայաստանի սահմանամերձ մարզեր զբոսաշրջային հոսքերի նվազման համատեքստում, ինչը պայմանավորված է Արցախում տիրող իրավիճակով։
Ակնկալվում է, որ այս առաջարկից կօգտվեն, հիմնականում, այն ընկերությունները, որոնք կազմակերպում են կորպորատիվ քննարկումներ, կարճաժամկետ վարժանքներ կամ այլ աշխատանքային հանդիպումներ թիրախային մարզերի հյուրանոցներում և հյուրատներում։
Նախագիծը հանրային քննարկման է դրվել e-draft հարթակում՝ հետևյալ հղումով. https://www.e-draft.am/projects/5211/about:
RUB | 4.19 | 0.00 |
USD | 394.07 | -1.03 |
EUR | 420.75 | 0.36 |
GBP | 491.72 | -0.42 |
CAD | 286.47 | 0.33 |
JPY | 25.52 | -0.03 |
CNY | 54.44 | -0.14 |
CHF | 433.66 | 0.15 |