Արմինֆո. Էկոնոմիկայի նախարարի տեղակալ Անի Իսպիրյանի նախաձեռնությամբ տեղի է ունեցել հանդիպում՝ Հայաստանի գործարար միջավայրի բարելավմանն ուղղված հարցերը քննարկելու նպատակով։
Նախարարության հաղորդագրության համաձայն, հանդիպման ընթացքում գույքագրվել են ներկաների կողմից բարձրացված խնդիրները, որոնք մասնավորապես վերաբերում էին օրենսդրական կարգավորումներին և հարկային ոլորտի բարեփոխումներին։
Մտքերի փոխանակման ընթացքում քննարկվել են նաև հավասար մրցակցային պայմանների ապահովման կարևորությանը, առևտրի և ծառայությունների, վարչական իրավախախտումների, ընդերքի մասին օրենքներում փոփոխություններ կատարելու անհրաժեշտությանը վերաբերող հարցեր։
Հանդիպման ավարտին պայմանավորվածություն է ձեռք բերվել նման քննարկումները պարբերական դարձնելու վերաբերյալ։ Բոլոր բարձրացված հարցերը կհավաքագրվեն և հանգամանորեն կուսումնասիրվեն ոլորտի լիազոր մարմինների հետ համատեղ։
