Արմինֆո. Հայաստանն իր բոլոր միջազգային պարտավորությունները հարգում է ու ամեն ինչ անում է դրանց հետևելու համար: Այդ մասին հայտարարել է խորհրդարանական մշտական հանձնաժողովի փոխնախագահ, կառավարող խմբակցության պատգամավոր Բաբկեն Թունյանը ParliamentMonitoring-ին տված հարցազրույցում, մեկնաբանելով հնարավոր ռիսկերը՝ այն հանգամանքի առնչությամբ, որ ԱՄՆ-ը Հայաստանին ընդգրկել է այն երկրների ցանկում, որոնց միջոցով Ռուսաստանը կարող է շրջանցել իր նկատմամբ սահմանված պատժամիջոցները:
«Ի՞նչ է տեղի ունենում. նայում են մեր միջազգային գործընկերները, որ ինչ-որ մի ապրանքի ներմուծում կտրուկ ավելացել է, և այդ նույն ապրանքի արտահանումը Հայաստանից դեպի եվրասիական շուկա ևս ավելացել է, ենթադրում են, որ այդ ապրանքները գալիս են Հայաստանի միջոցով, գնում են դեպի ԵԱՏՄ: Բայց սա շատ խորը և առանձին վերլուծության կարիք ունի, մենք ունենք ապրանքներ, որոնց ներմուծումը Հայաստան անգամներով շատացել է, բայց դեպի ԵԱՏՄ չի արտահանվել: Մենք ունենք ապրանքներ, որոնց արտահանումը ԵԱՏՄ անգամներով ավելացել է, սակայն ԵՄ-ի երկրներից չեն այդ ապրանքները եկել Հայաստան: Այսինքն, հնարավոր է՝ Հայաստանում արտադրված ապրանքներ են: Մենք ԵԱՏՄ անդամ ենք, այսինքն, եթե ապրանքները բոլոր երկրներից՝ ԵՄ-ից, արաբական երկրների կամ որևէ այլ երկրից, գան հասնեն մեր երկիր, դրանից հետո արդեն վաճառվեն ներքին շուկայում, դրանց տեղաշարժը դեպի ԵԱՏՄ շուկա արդեն անվերահսկելի է, որովհետև մեկ միասնական տնտեսական տարածքի մաս ենք կազմում: Բայց կառավարությունում այդ բոլոր կոչերն ու հորդորները հաշվի են առնում, և այս պահին աշխատանք է տարվում, որպեսզի հասկանանք՝ որոնք են ռիսկային ուղղությունները, ԵՄ-ի, ԱՄՆ-ի ու մնացած երկրների հետ կոմունիկացիան ապահովվում է: Եթե հարկ լինի լրացուցիչ տեղեկատվության կամ լրացուցիչ քայլերի, Հայաստանը պատրաստ է բոլոր առումներով իր պարտավորությունները կատարել», - ընդգծել է պատգամավորը:
Հիշեցնենք, որ օրեր առաջ Միացյալ Նահանգների կառավարությունը կոչ էր արել ընկերություններին պարտավորվել պահպանել Ռուսաստանի նկատմամբ պատժամիջոցները, որոնք սահմանվել են "Մոսկվայի Ուկրաինա ներխուժումից հետո": ԱՄՆ-ը նախազգուշացնում է, որ հակառակ դեպքում դա կարող է հանգեցնել հնարավոր դատական հետապնդումների կամ հարկադրանքի միջոցների։ ԱՄՆ արդարադատության, առեւտրի նախարարությունների եւ Գանձապետարանի համատեղ ծանուցման մեջ ասվում է, որ "չարագործները շարունակում են փորձել շրջանցել Ռուսաստանի հետ կապված պատժամիջոցները եւ արտահանման վերահսկողությունը", այդ թվում՝ երրորդ կողմերի միջնորդությամբ: Ծանուցագրում հիշատակվում են այնպիսի երկրներ, ինչպիսիք են Չինաստանը, Հայաստանը, Թուրքիան եւ Ուզբեկստանը, որոնք օգտագործվել են որպես "փոխադրման կետեր" ՝ "դեպի Ռուսաստան կամ Բելառուս արգելված ապրանքների ապօրինի վերաուղղորդման համար":
Մարտի 2-ին Բեռլինում վարչապետ Նիկոլ Փաշինյանը Գերմանիայի Դաշնային Հանրապետության կանցլեր Օլաֆ Շոլցի հետ համատեղ մամուլի ասուլիսի ժամանակ վստահեցրել էր, որ Հայաստանը չի օգնում Ռուսաստանին շրջանցել արևմտյան պատժամիջոցները։
Փորձագետ. Այսօր ԵԱՏՄ-ում Հայաստանի ապրանքաշրջանառության ցուցանիշը անցնում է 16 մլրդ դոլարից, և դա սահմանը չէ
Հայաստանի բանկային հատվածում ակտիվ սպառողական վարկավորումը ժամկետանց վարկերի երկնիշ աճ է հրահրել
"Լույս" հիմնադրամ. վարկային պարտավորությունների առաջանցիկ աճը բնակչության եկամուտների համեմատ կարող է ռիսկեր ստեղծել ֆինանսական կայունության համար՝ միջնաժամկետ հեռանկարում
ՀԷՑ-ի ժամանակավոր կառավարիչը՝ «թերահավատներին». "նույնիսկ սաղմնային փուլում հզոր ազդակ է տրված հատվածի տնտեսական ակտիվությանը"
Հայաստանի խորհրդարանը հավանություն է տալիս ՀԷՑ-ի ազգայնացմանը
ՉԺՀ-ը պատրաստվում է "Մեկ գոտի, մեկ ճանապարհ" նախաձեռնության նոր գլուխ բացել՝ դրանում Հայաստանի ներգրավմամբ. չինացի դիվանագետ
Ավարտվել է «Արդշինբանկ» ՓԲԸ և «Արդշինինվեստբանկ» ՓԲԸ միացման գործընթացը
Տարեսկզբից ի վեր Երեւանում ձեռք բերված հասարակական տրանսպորտի տոմսերի ընդհանուր ծավալում փաթեթայիններին բաժին է ընկել ընդամենը 1,2%