Ռուսաստանից Հայաստան մասնավոր փոխանցումների ներհոսքը շարունակում է մի քանի անգամ ավելանալ

Արմինֆո.2023թ. հունվարին մասնավոր փոխանցումների զուտ ներհոսքը Հայաստան, , Ռուսաստանից մուտքերի ծանրակշիռ աճի հաշվին,  2022թ. հունվարի համեմատ աճել է 4.2 անգամ (նախորդ տարվա 25.2% աճից)՝ հաշվետու ամսվա ընթացքում կազմելով 170.2 մլն դոլար:

Ընդ որում, Ռուսաստանից մասնավոր փոխանցումների զուտ ներհոսքը տարեկան կտրվածքով աճել է 14 անգամ, նախորդ տարվա 7.2% անկումից հետո, հասնելով 254.2 մլն դոլարի, մինչդեռ, ԱՄՆ-ից փոխանցումների զուտ ներհոսքը 48% աճից ծավալվել է դեպի 61,6% անկում՝ կազմելով 10,6 մլն դոլար։ Այդ մասին են վկայում ՀՀ կենտրոնական բանկի տվյալները։

Դա Ռուսաստանից Հայաստան փոխանցումների ներհոսքի 4,5%-ից մինչեւ 7 անգամ աճի արդյունք էր, ինչն ավելի զուսպ տեմպերով դիտվել է Հայաստանի դեպի Ռուսաստան փոխանցումների արտահոսքում՝ 15,5%-ից մինչեւ 17%: Ընդ որում, ԱՄՆ-ի ուղղությամբ փոխանցումների ներհոսքի և արտահոսքի ծավալները

ցույց են տվել տարբեր ուղղվածության տարեկան միտում, մասնավորապես, այնտեղից դրամական փոխանցումների ներհոսքը կրճատվել է 1,4 տոկոսով, իսկ արտահոսքն այնտեղ աճել է 2,2 անգամ, այն դեպքում, երբ մեկ տարի առաջ պատկերը հակառակ էր՝ ներհոսքի 15,7 տոկոսով աճն ուղեկցվել էր արտահոսքի 20,4 տոկոսով անկմամբ: Արդյունքում՝ 2023թ. հունվարին Ռուսաստանից փոխանցումների ներհոսքի ծավալը կազմել է 281.2 մլն դոլար, դեպի ՌԴ արտահոսքը՝ 27.03 մլն դոլար, իսկ դեպի ԱՄՆ փոխանցումների ներհոսքի և արտահոսքի ծավալները կազմել են, համապատասխանաբար, 40.3 մլն դոլար և 29.7 մլն դոլար։

Ընդհանուր առմամբ, դեպի Հայաստան ֆիզիկական անձանց փոխանցումների ներհոսքի տարեկան աճն արագացել է 11,8%-ից մինչև 3 անգամ, իսկ փոխանցումների արտահոսքի աճի արագացումը՝ 6,5%-ից մինչև 2,5 անգամ, որոնց ծավալները 2023թ. հունվարին կազմել են, համապատասխանաբար, 386.1 մլն դոլար և 215.9 մլն դոլար։

Ներհոսքում Ռուսաստանի մասնաբաժինը տարեկան կտրվածքով աճել է 31,8%-ից մինչև 72,8% (2019 թվականի հունվարի 42,6%-ի դիմաց), ընդ որում, արտահոսքում 26,4%-ից կրճատվելով մինչև 12,5% (2019 թվականի հունվարի 53,8%-ի դիմաց)։ Իսկ ԱՄՆ-ի մասնաբաժինը տարեկան կտրվածքով կրճատվել է ինչպես ներհոսքում՝ 32% - ից մինչև 10,4%, այնպես էլ արտահոսքում՝ 15,1%-ից մինչև 13,7% ՝ ցածր մնալով նախաքովիդյան շրջանի համապատասխան ցուցանիշներից՝ 13,7% և 14,7% 2019 թվականի հունվարին։

Միայն 2023թ. հունվարին Հայաստան փոխանցումների զուտ ներհոսքը կրճատվել է 43,6%-ով՝ ներհոսքի և արտահոսքի գրեթե հավասարապես շոշափելի անկման արդյունքում, համապատասխանաբար, 34,7% և 25,3%: Մասնավորապես, Ռուսաստանից և ԱՄՆ-ից փոխանցումների ներհոսքը կրճատվել է 33,5%-ով և 36,5%-ով, ինչը դիտվել է նաև այդ ուղղություններով արտահոսքում՝ 55,3% - ով և 26,2% - ով, ինչի արդյունքում Ռուսաստանից զուտ ներհոսքի անկումն ավելի զուսպ է եղել (30%), քան ԱՄՆ-ից (54,3%): Որպես համեմատություն նշենք, որ 2022 թվականի հունվարին դիտվել է համանման դինամիկա՝ միայն այն տարբերությամբ, որ այն ժամանակ Ռուսաստանի ուղղությամբ ներհոսքն ու արտահոսքը ցույց են տվել հավասարապես ծանրակշիռ անկում (51,4% և 49,5%), մինչդեռ ԱՄՆ-ի ուղղությամբ ներհոսքի և արտահոսքի նվազման միտումը հիշեցնում էր ներկայիս միտումը (35% և 28%), ինչի արդյունքում Ռուսաստանից զուտ ներհոսքի անկումն ավելի ծանրակշիռ էր (54%), քան ԱՄՆ-ից (38%)։