Արմինֆո.2023 թվականի առաջին եռամսյակում Հայաստանին հաջողվել է գերազանցել զբոսաշրջային ներհոսքերի նախաքովիդային ցուցանիշը։ Այդ մասին ապրիլի 7-ին մամուլի ասուլիսի ժամանակ հաղորդել է Զբոսաշրջության կոմիտեի նախագահ Սիսիան Պողոսյանը։
Մասնավորապես, նա նշել է, որ առաջին երեք ամիսների արդյունքներով Հայաստան է այցելել 450 հազար զբոսաշրջիկ, ինչը 81 տոկոսով բարձր է նախորդ տարվա ցուցանիշից։ Պողոսյանը ուշադրություն է հրավիրել այն հանգամանքի վրա, որ հաշվետու ժամանակահատվածում հաջողվել է գերազանցել 2019 թվականի ցուցանիշները, երբ զբոսաշրջիկների հոսքը կազմել է 360 հազար մարդ: Իսկ միայն մարտին Հայաստան է այցելել 160 հազար զբոսաշրջիկ ՝ նախաքովիդյան 118 հազարի դիմաց:
Կոմիտեի ղեկավարը հաղորդել է, որ Հայաստանում հանգստացող զբոսաշրջիկների ամենամեծ թիվը բաժին է ընկնում ՌԴ-ին, Իրանին և Վրաստանին: Ընդ որում, Պողոսյանը նշել է, որ այս անգամ զգալի աճ է նկատվել նաև Դուբայից, ինչը պայմանավորված էր, նրա ասելով, կոմիտեի ակտիվ աշխատանքով: Նա հավելել է, որ աշխուժացում է գրանցվել նաև իտալական շուկայից։ Այս կապակցությամբ նշվել է, որ Իտալիայից ներհոսքի ապահովմանն օգնում է նաև Հռոմից, Միլանից և Վենետիկից Երևան ուղիղ ավիահաղորդակցությունների առկայությունը:
Հիշեցնենք, որ 2022 թվականի արդյունքներով Հայաստան է այցելել 1.67 մլն զբոսաշրջիկ, ինչը 2 անգամ գերազանցում է մեկ տարվա վաղեմության ցուցանիշը։
