Արմինֆո. Էկոնոմիկայի նախարար Վահան Քերոբյանն ապրիլի 20-ին ընդունել է Չինաստանի արտասահմանյան ձեռնարկությունների զարգացման ասոցիացիայի (China Overseas Development Association, CODA) նախագահ Հե Չժենվեյի գլխավորած պատվիրակությանը։
CODA-ն կազմակերպություն է, որն անմիջականորեն կառավարվում է Չինաստանի բարեփոխումների և զարգացման պետական կոմիտեի կողմից: Ասոցիացիան ծառայություններ է մատուցում չինական ձեռնարկություններին արտերկրում ներդրումներ կատարելու և բիզնես զարգացնելու ուղղությամբ:
Նախարարության հաղորդագրության համաձայն, հանդիպման ընթացքում կողմերը քննարկել են այն ուղղությունները, որոնցում առավել նպատակահարմար է ծավալել երկկողմ համագործակցություն՝ կառուցապատում, նորագույն տեխնոլոգիաներ, ենթակառուցվածքների զարգացում, էներգետիկա (այդ թվում՝ արևային էներգետիկա), կանաչ ջրածնի արտադրություն և այլն։
Քննարկվել է նաև այս տարվա հունիս ամսին Պեկինում կայանալիք Արտասահմանյան ներդրումների 13-րդ տոնավաճառին (COIFAIR) հայկական կողմի մասնակցության հնարավորությունը։
