ՀՀ կառավարությունն անում է անհրաժեշտ ամեն ինչ՝ «Վերին Լարս» անցակետում իրավիճակը բարելավելու համար. նախարար

Արմինֆո. ՀՀ կառավարությունն անում է անհրաժեշտ ամեն ինչ «Վերին Լարս» անցակետում իրավիճակը բարելավելու համար։ Այդ մասին մայիսի 3-ին ԱԺ-ում կառավարական ժամի ընթացքում հայտարարել է էկոնոմիկայի նախարար Վահան Քերոբյանը ՝ պատասխանելով ընդդիմադիր "Հայաստան" խմբակցության պատգամավոր Գառնիկ Դանիելյանի հարցին։

Պատգամավորը, մասնավորապես, նշել է անցակետը հատելու դժվարությունները։ 11 անցուղիներից գործում է ընդամենը հինգը, բացի այդ, առկա է ընդամենը 2 ռենտգեն սարք, ինչը բարդություններ է առաջացնում մեծ վնասներ կրող հայ բեռնափոխադրողների համար:

Ի պատասխան՝ էկոնոմիկայի նախարարն ընդգծել է, որ ամեն ինչ արվում է, որպեսզի երկիրը լոգիստիկ առումով ավելի լավ կապված լինի աշխարհի հետ։ "Այսօր մեր երկիրը լոգիստիկ ինդեքսում 92-րդ տեղում է, իսկ դա վատ ցուցանիշ է", - նշել է Քերոբյանը, հավելելով, որ "Վերին Լարսով" բեռնատարների անցմանն առնչվող իրավիճակն այս տարի զգալիորեն բարելավվել է նախորդ տարվա նույն ժամանակահատվածի համեմատ: Եթե 2022թվին բեռնատարներից վրաց-ռուսական սահմանը հատելու համար մինչև 30 օր էր պահանջվում, ապա հիմա ՝ 5 օր։

Նախարարը նկատել է, որ անցակետում պարբերաբար խնդիրներ են առաջանում։ Հայկական և ռուսական կողմերի համատեղ ջանքերով բացվել են լրացուցիչ անցուղիներ: "Այսպիսով, եթե անցյալ տարի երեք գոտի կար, ապա այժմ դրանք տասնմեկ են։ Սա մեր համատեղ աշխատանքի արդյունքն է, որի շնորհիվ հաջողվել է էապես ավելացնել թողունակությունը", - ասել է Քերոբյանը։

Բացի այդ, շարունակել է նա, մեկ տարվա ընթացքում մի քանի հարյուր մեքենաների մաքսային ձեւակերպման համար լրացուցիչ գոտի է բացվել։ Նախարարը հավաստիացրել է, որ բեռնատարների հերթը շաբաթվա վերջին կհասցվի նվազագույնի։