Արմինֆո. 2023թ-ի հունվար-ապրիլ ամիսներին Ռուսաստանի պետբյուջեի դեֆիցիտը կազմել է 3.4 տրիլիոն ռուբլի, այնինչ ողջ տարվա համար պլանավորված էր շուրջ 3 տրիլիոն ռուբլի: Այդ մասին հաղորդում է տնտեսագետ, ACCESS վերլուծական կենտրոնի ղեկավար Հայկազ Ֆանյանը:
«Այս իրավիճակը մի կողմից պայմանավորված է պետբյուջեի ծախսային մասի ավելացմամբ (նախորդ տարվա նույն ժամանակահատվածի համեմատ +26%), մյուս կողմից բյուջեի նավթագազային եկամուտների կրճատմամբ (-52%), ինչն էլ իր հերթին պայմանավորված է պատժամիջոցների կիրառմամբ:
Տեսականորեն այս իրավիճակից երկու ելք կա՝ կամ պլանավորածի համեմատ կրճատել ծախսերը, կամ արժեզրկել ռուբլին: Պրակտիկայում լուծումը լինելու է այս երկուսի համակցությունը:
Այս զարգացումները իրենց բացասական հայելային անդրադարձ են ունենալու նաև մեր տնտեսության վրա: Այլ հավասար պայմաններում՝ ռուբլու արժեզրկման պատճառով նվազելու է պահանջարկը հայկական տեղական և ռեէքսպորտային արտադրանքի նկատմամբ, իսկ ՌԴ պետբյուջեի ծախսերի աճի զսպման արդյունքում նվազելու են հայաստանցի աշխատանքային միգրանտների և հայկական սփյուռքի եկամուտները, հետևաբար նաև Հայաստանյան տնային տնտեսությունների եկամուտները, ընդ որում՝ դա զուգակցվելու է նաև ռուսական ռուբլու արժեզրկմամբ պայմանավորված բացասական էֆֆեկտի հետ», - գրել է տնտեագետը «Ֆեյսբուքի» իր էջում:
RUB | 4.37 | -0.01 |
USD | 401.96 | -0.67 |
EUR | 438.10 | -0.36 |
GBP | 511.98 | -1.33 |
CAD | 296.82 | -0.70 |
JPY | 26.96 | -0.10 |
CNY | 55.84 | -0.11 |
CHF | 455.17 | -0.60 |