ԵՏՀ. Հայաստանը վերացրել է պետական տուրքի գանձմանն առնչվող արգելքը

Արմինֆո.Եվրասիական տնտեսական հանձնաժողովի պաշտոնական ներկայացուցիչ Իյա Մալկինան մայիսի 18-ին կայացած ճեպազրույցում խոսել է Հայաստանի կողմից որոշ խոչընդոտների վերացման մասին:

"Հայաստանը վերացրել է ԵԱՏՄ պետություններ սև և գունավոր մետաղների, անտառանյութի և հանքաքարի ջարդոնների և թափոնների արտահանման ժամանակ պետական տուրքի գանձման հետ կապված արգելքը", - ասել է Իյա Մալկինան: - Ավելի վաղ այս խնդրով հանձնաժողով էին դիմել Հայաստանի տնտեսվարող սուբյեկտները։ Հանձնաժողովի մոնիտորինգի արդյունքներով պարզվել է, որ Հայաստանի օրենսդրությամբ սահմանված է սեւ եւ գունավոր մետաղների ջարդոնի եւ թափոնների, անտառանյութի եւ հանքաքարի արտահանման հավաստագիր ստանալու համար պետական տուրքի գանձման նորմ, այդ թվում ՝ նշված ապրանքները Եվրասիական տնտեսական միության անդամ պետություններ փոխադրելու դեպքում":

Նա պարզաբանել է, որ ԵԱՏՄ իրավունքին համապատասխան, անդամ պետությունները չպետք է գործընկերների նկատմամբ կիրառեն ներմուծման և արտահանման մաքսատուրքեր, ոչ սակագնային կարգավորման միջոցներ, հատուկ պաշտպանական, հակագնագցման և փոխհատուցման միջոցներ ։ "Հանձնաժողովը որոշում է կայացրել այդ արգելքը վերացնելու անհրաժեշտության մասին։ Արդյունքում՝ ՀՀ էկոնոմիկայի նախարարությունը ԵՏՀ-ին տեղեկացրել է, որ համապատասխան փոփոխություններ են կատարվել "Պետական տուրքի մասին" օրենքում, որը բացառում է նշված ապրանքները ԵԱՏՄ անդամ պետություններ փոխադրելիս համապատասխան պետական տուրքի վճարման պահանջները", - նշել է ԵՏՀ պաշտոնական ներկայացուցիչը:

Նա նաև տեղեկացրել է, որ Եվրասիական տնտեսական բարձրագույն խորհուրդը մայիսի 25-ին Մոսկվայում տեղի կունենա առերես ձևաչափով: "Ավանդաբար Եվրասիական տնտեսական համաժողովի անցկացումը զուգադիպել  է Եվրասիական տնտեսական բարձրագույն խորհրդի նիստին, որը տեղի կունենա մայիսի 25-ին Մոսկվայում՝ միության պետությունների ղեկավարների մասնակցությամբ ՝ առերես ձևաչափով: Դրա օրակարգի մասին մանրամասն կպատմենք մայիսի 22-ին՝ ամփոփելով ԵՏՀ խորհրդի նիստի արդյունքները", - ասել է Իյա Մալկինան։