Արմինֆո. Ներկայումս Եվրոպական միության հաստատման փուլում են գտնվում Հայաստանում իրականացման ենթակա 86,3 մլն եվրո գումարի նախագծեր: Այդ մասին հունիսի 5-ին հայտարարել է ՀՀ ԱԳ նախարար Արարատ Միրզոյանը՝ ԱԺ հանձնաժողովների նիստում, որտեղ քննարկվում էր 2022 թվականի պետական բյուջեի կատարողականը։
Նրա խոսքով 2022 թվականին Եվրոպական միության կողմից արդեն հաստատվել են 195,7 մլն եվրոյի ծրագրեր։ Մեծ աշխատանք է կատարվել Հյուսիս-Հարավ փոխադրամիջանցքի չորրորդ հատվածի (Քաջարան-Սիսիան) կառուցման համար շուրջ 900 մլն եվրոյի ֆինանսավորման ուղղությամբ։ Այդ Ճանապարհահատվածի ֆինանսավորումը դեռևս հաստատման փուլ չի մտել։
Նախարարը նաև հաղորդել է, որ աշխատանք է տարվում ԵՄ-ի հետ վիզային ռեժիմի ազատականացման ուղղությամբ: ԵՄ երկրների մեծ մասը ըմբռնումով է մոտենում այդ հարցին, բայց պետք է հասկանալ, որ ԵՄ-ում որոշումները կայացվում են փոխհամաձայնության հիման վրա։ "Եթե ուղիղ խոսենք, ապա կարելի է ասել, որ խոսքը կոնսենսուսի մասին է ՝ մինուս 1, բայց աշխատանքը շարունակվում է", - ասել է ՀՀ ԱԳ նախարարը:
