Երեթշաբթի, 6 Հունիսի 2023 20:23

Արմինֆո.Սոթքի հանքի բաց հատվածում աշխատանքները դադարեցվել են՝ անվտանգության նկատառումներից ելնելով, սակայն փակ հանքում աշխատանքները շարունակվում են: Այդ մասին  մայիսի 6-ին լրագրողների հետ զրույցում հայտարարե է Գեղարքունիքի մարզպետ Կարեն Սարգսյանը։

 

<Ընդհանուր առմամբ, մարզի սահմանամերձ շրջաններում կրակոցների ինտենսիվությունը նվազել է: Ինչ վերաբերում է Սոթքի հանքին, ապա հանքի բաց հատվածում աշխատանքները դադարեցվել են՝ անվտանգության նկատառումներով, սակայն փակ հանքում աշխատանքները շարունակվում են: Այսինքն ՝ Սոթքի հանքը մասամբ աշխատում է", - ասել է մարզպետը։

 

Անդրադառնալով հարցին, թե արդյոք ադրբեջանական ագրեսիայի հետևանքով տեղացիները լքել են իրենց բնակավայրերը, Կարեն Սարգսյանն ասել է, որ տեղական իշխանությունները մոնիտորինգ չեն իրականացրել, բայց քիչ հավանական է, որ նրանք կարող էին լքել իրենց տները այդ խնդիրների պատճառով: «Մենք ունենք ընտանիքներ, որոնք  2022 թվականի սեպտեմբերյան ագրեսիայից հետո լքել են իրենց բնակավայրերը, կան ընտանիքներ, որոնք չեն վերադարձել, բայց հիմնական մասը վերադարձել է և ապրում է իրենց բնակավայրերում», - ընդգծել է մարզպետը։ «Մենք ունենք 4 տուն, որոնք ամբողջովին չեն ավիրվել,  բայց բնակելի չեն: Դրանց վերաբերյալ այժմ ընթանում է նախագծանախահաշվային փաստաթղթերի մշակման գործընթաց։ Մոտ ժամանակներս մենք կունենանք հստակ պատկեր և կհասկանանք, թե որքան գումար է մեզ անհրաժեշտ տները վերականգնելու համար", - ասել է Սարգսյանը։

 

Նա հավելել է, որ 2021-2022 թվականների ընթացքում օգնություն է ցուցաբերվել նաև ադրբեջանցիների վերահսկողության տակ գտնվող տարածքներում անասունները կորցրած բնակիչներին, և այդ կորուստները նույնպես, գործնականում, վերականգնվել են։

 

Մարզպետը հաղորդել է, որ Գեղարքունիքի մարզի սահմանամերձ գյուղերում կիրականացվի ծրագիր, որը հնարավորություն կտա սահմանամերձ գյուղերի բնակիչներին ինքնապաշտպանություն իրականացնել՝ անհրաժեշտության դեպքում: Իսկ դա նշանակում է, որ տեղի բնակիչները կկարողանան զենք ստանալ։