Արմինֆո. Եվրասիական զարգացման բանկում (ԵԱԶԲ) հույս ունեն, որ "Հյուսիսային Օսիա - Ալանիա Հանրապետությունում "Վերին Լարս" անցակետի ուղղությամբ տրանսպորտային-լոգիստիկ եւ ճանապարհամերձ ենթակառուցվածքի զարգացում" ներդրումային նախագծի առաջին փուլի իրականացումը թույլ կտա 15-20% - ով բարձրացնել անցակետի թողունակությունը՝ դրա հետագա ընդլայնման հնարավորությամբ: Այդ մասին հունիսի 8-ին Սոչիում ԵԱԶԲ-ի եւ "Կովկաս.ՌԴ" ԲԸ-ի միջեւ Եվրասիական Կոնգրես- 23 - ի ընթացքում փոխգործակցության մասին հուշագրի ստորագրման արարողությունից հետո լրագրողների հետ զրույցում հայտարարել է բանկի փոխնախագահ Դենիս Իլյինը:
Նրա խոսքով, նախագծի նպատակն է արմատապես լուծել այդ, ինչպես ինքն է ասել, "գլխացավանքը", որը վաղուց խանգարում է եւ մարդկանց երթեւեկին, եւ ապրանքահոսքին Հյուսիսկովկասյան դաշնային օկրուգի եւ հարավկովկասյան երկրների միջեւ:
Միևնույն ժամանակ, Իլյինը չի նշել նախագծի իրականացման վերջնական ամսաթիվը, նշելով, որ այժմ Բանկը տեխնիկական աջակցության հիմնադրամի միջոցով մշակում է իրագործելիության ուսումնասիրություն, պատրաստում է նախագծային փաստաթղթեր և խորհրդակցություններ է անցկացնում նախագծի օպերատորի մի քանի թեկնածուների հետ: Նրա խոսքով ՝ սա համալիր խոսակցություն է, քանի որ պարտադիր է և պետական մարմինների ներգրավումը, և մաքսային մարմինների ներգրավումը, որոնք այնտեղ պետք է տեղակայվեն։ "Ահա հիմա ընթանում է նախնական փուլը։ Մինչև տարեվերջ նախագծային փուլը պետք է ավարտվի, և հուսով եմ, արդեն հաջորդ տարի մենք կկարողանանք կոնկրետ աշխատանքի անցնել", - ասել է Իլյինը, չնշելով նախագծի կոնկրետ արժեքը՝ կոչ անելով սպասել նախանախագծային փուլի ավարտին։
Անդրադառնալով ֆինանսավորման կառուցվածքին՝ ԵԱԶԲ փոխնախագահը նշել է, որ այդ հարցում Բանկը համագործակցություն է հաստատել Հյուսիսային Կովկասում զբոսաշրջային-ռեկրեացիոն հատուկ տնտեսական գոտիները կառավարող "Կովկաս.ՌԴ" ընկերության հետ: "Մեզ համար դա շատ կարևոր է, ինչը թույլ կտա մեզ միասին ֆինանսավորել այս նախագիծը, և դա անել այն պայմաններով, որոնք օպերատորին թույլ կտան բավականին արագ փոխհատուցել այն", - ասել է Իլյինը:
Ճշտմանը, թե արդյոք այս հարցի շուրջ Վրաստանի հետ ինչ-որ համագործակցություն նախատեսվում է, բանկի փոխնախագահը նշել է, որ՝ դեռ ոչ: <Մենք այսօր շնորհանդեսի ժամանակ շատ խոսեցինք այն մասին, որ ենթակառուցվածքը խթանում է պահանջարկը: Եվ այսօր, թերևս, կարիք չկա դա քննարկել Հայաստանի Հանրապետության, Վրաստանի Հանրապետության հետ ՝ նրանց ներգրավման առարկայի շուրջ։ Անհրաժեշտ է ենթակառուցվածք: Մեր խնդիրն է, որ այն հայտնվի: Երբ շուկան, հաճախորդը հնարավորություն կունենան այն օգտագործել, այդ ժամանակ, ես կարծում եմ, որ, հավանաբար, պահանջարկը կվերսկսվի", - ասել է ԵԱԶԲ ներկայացուցիչը։
Նա փաստել է, թե ոչ մեկի համար գաղտնիք չէ, որ Վերին Լարսի անցակետը չի կարողանում հաղթահարել իր թողունակությունը։ Սակայն, նրա խոսքով, այդ խնդիրը պետք է վերացնել այնպես, որ զարգացման հետագա ներուժ ունենանք։ "Վրաստանն ու Հայաստանն, անկասկած, լինելու են այդ նախագծի ուղղակի շահառուները։ Երբ ենթակառուցվածք կա, դրանից ,սովորաբար, օգտվում են", - հավելել է Իլյինը, ասելով, որ ԵԱԶԲ-ն որոշել է իր վրա վերցնել "Վերին Լարսում" այդ խնդրի լուծման առաջին քայլը։
Նշենք, որ այսօր Սոչիում Եվրասիական կոնգրեսի շրջանակներում ստորագրվել է "Վերին Լարս" -ի ուղղությամբ տրանսպորտային-լոգիստիկ եւ ճանապարհամերձ ենթակառուցվածքների արդիականացման շուրջ համագործակցության մասին հուշագիր: Նախագծի գումարը՝ մինչև 200 մլն դոլար։ ԵԱԶԲ-ի նախնական մասնակցությունը ՝ 150 մլն դոլար։ ԵԱԶԲ-ի տեխնիկական աջակցության հիմնադրամի միջոցներից մշակվում է նախագծի տեխնիկատնտեսական հիմնավորումը ։ Ժամանակակից լոգիստիկ հանգույցի ստեղծում, որը թույլ կտա ավելացնել բեռնափոխադրումների հոսքը "Հյուսիս-Հարավ" ՄՏՄ-ում:
Ստեղծվելու են ՝ բազմաֆունկցիոնալ մեծածախ և բաշխիչ կենտրոն ՝ պարենային ապրանքների, ավտոկայանատեղերի, բենզալցակայանների, հյուրանոցների, խանութների և այլն, "Վերին Լարս" անցակետում երթևեկության հերթականության կառավարման խելացի համակարգ: Նախագծի էֆեկտները. թողունակության բարձրացում; "Հյուսիս-Հարավ" ՄՏՄ-ի բեռնափոխադրումների հոսքի ավելացում, սպասարկման որակի բարձրացում և հարմարավետություն զբոսաշրջիկների և ծանր տրանսպորտային միջոցների համար: Կոոպերացիոն բաղադրիչ. նախագիծը կապահովի տրանսպորտային կապակցվածություն և ժամանակակից լոգիստիկ հանգույցի ստեղծում Հայաստանի և Ռուսաստանի միջև երթուղու վրա:
Հայկական բանկերը. HSBC բանկի, Արդշինբանկի և պատժամիջոցների նոր միջավայրի պայմաններում բիզնեսի վարման մասին
Telcell-ը դուրս է գալիս ինստիտուցիոնալ զարգացման ուղի
Կառավարությունը հաստատել է Հայաստանի 2024-2040թթ. ժողովրդագրական ռազմավարությունը
«Հայաէրոնավիգացիա» ՓԲԸ-ն նոր գլխավոր տնօրեն ունի
Փորձագետ. Առաջիկա 2-3 տարում Հայաստանում անշարժ գույքի գները կբարձրանան
ՊԵԿ նախկին ղեկավար. Հայաստանում տնտեսությունն ու երկիրը փաստացի մրցում են, թե դրանցից որն ավելի արագ կփլուզվի