Երեթշաբթի, 13 Հունիսի 2023 14:47

Արմինֆո.ՀՀ Ազգային ժողովը հունիսի 13-ի լիագումար նիստում սկսել է քննարկել Եվրասիական վերաապահովագրական ընկերության (ԵՎԸ) հիմնադրման մասին ՀՀ կառավարության ներկայացրած համաձայնագրի նախագիծը:

 

Ինչպես իր ելույթում նշել է ՀՀ էկոնոմիկայի նախարար Վահան Քերոբյանը, համաձայնագիրը ստորագրվել է 2020 թվականի հոկտեմբերի 20-ին Երևանում: ԵՎԸ-ն ստեղծվում է որպես միջազգային ֆինանսական կազմակերպություն՝ հինգ երկրների՝ Հայաստանի, Ռուսաստանի, Բելառուսի, Ղազախստանի և Ղրղզստանի համապատասխան կարգավորումներով: Ընկերությունը ապահովագրական աջակցություն կցուցաբերի փոխադարձ առևտրում, կխթանի ներդրումային համագործակցության զարգացումը, կապահովի արտահանման վարկեր և փոխգործակցություն վարկային գործակալությունների և ապահովագրական ընկերությունների հետ: Համաձայնագիրը մշակվել է բազմակողմ միջազգային պայմանագրի ձևաչափով, որը թույլ է տալիս ունենալ բաց կարգավիճակ՝ այլ մասնակիցների միանալու համար։ ԵՎԸ-ի կանոնադրական կապիտալը կկազմի 15 մլրդ ռուսական ռուբլի։ Հայաստանի բաժնեմասային մասնակցությունը հավասար կլինի 3 տոկոսի կամ 450 մլն ռուբլու։ Ընկերությունը նաև օժտված է արտոնություններով, դրա եկամուտները, գույքը և այլ ակտիվները, ինչպես նաև գործառնություններն ու գործարքները ազատվում են հարկերից, տուրքերից և այլ վճարներից:

 

Նախարարն ընդգծել է, որ ԵՎԸ-ի գլխամասային գրասենյակը գտնվելու է Երևանում, ինչը շատ լուրջ ձեռքբերում կլինի երկրի համար: Քերոբյանը նկատել է, որ 2022 թվականի փետրվարի 24-ից հետո մի շարք միջազգային վերաապահովագրական ընկերություններ հրաժարվել են ապահովագրել Հայաստանից Ռուսաստան փոխադրվող բեռները, ինչը բարդություններ է առաջացրել հայ արտահանողների համար։

ԵՎԸ-ի ստեղծումը թույլ կտա լուծել այս խնդիրը, հանգեցնել Հայաստանի արտահանման ապահովագրական գործակալության ռիսկերի վերաապահովագրության լրացուցիչ գործիքի առաջացման, որը ստեղծվել է 2013 թվականին ՝ 1,950 մլրդ դրամ սկզբնական կանոնադրական կապիտալով: Ներկայումս հայկական ընկերության կանոնադրական կապիտալը կազմում է 2,5 մլրդ դրամ։ 2020 թվականին ապահովագրվել է 20 մլրդ դրամի, իսկ մեկ տարի անց՝ 36 մլրդ դրամի գործարք։ Սակայն 2022 թվականին միջազգային վերաապահովագրական ընկերությունների հեռանալու պատճառով անկում է գրանցվել։