Արմինֆո.Կալիֆորնիայի, Հայաստանի և Արցախի միջև փոխադարձ առևտրի, արվեստի և մշակութային փոխանակման հարցերով հատուկ կոմիտեն սենատոր Էնթոնի Պորտանտինոյի նախագահությամբ անցկացրել է տեղեկատվական լսումներ՝ "Կալիֆորնիան և Հայաստանը. Առևտրի, տեխնոլոգիաների և ճանապարհորդությունների բորսա" թեմայի շուրջ:
Արմինֆո-ին տրամադրված հաղորդագրության համաձայն, քննարկումների ընթացքում շեշտը դրվել է ուղիղ չվերթների անհրաժեշտության և Լոս Անջելեսի ու Հայաստանի միջև բեռնափոխադրումների թողունակության ավելացման վրա:
"Մենք կարևոր խոսակցություն ունեցանք այն մասին, թե ինչպես բարելավել առևտուրն ու տեխնոլոգիաների փոխանակումը Կալիֆորնիայի և Հայաստանի միջև։ Քննարկեցինք նաեւ Երեւանի ու Լոս Անջելեսի միջեւ ուղիղ ավիահաղորդակցություն հաստատելու անհրաժեշտությունը՝ կապված իմ շրջանի մեծ եւ ակտիվ հայ համայնքի հետ: Ես շնորհակալ եմ բոլոր մասնակիցներին, ովքեր ցուցումներ են տվել եւ քննադատական եզրակացություններ արել այն մասին, թե ինչպես Կալիֆոռնիան կարող է ամրապնդել մեր տնտեսական հարաբերությունները Հայաստանի հետ", - հայտարարել է սենատոր Պորտանտինոն։ Լսումներն սկսվել են Հայաստանում Կալիֆորնիայի առևտրի և ծառայությունների բաժնի վերաբերյալ թարմացումներով:
Հիշեցնենք, որ 2019 թվականին Կալիֆորնիայի նահանգապետ Գեվիդ Նյուսոմը և Հայաստանի արտաքին գործերի նախարար Զոհրաբ Մնացականյանը Նյու Յորքում ՄԱԿ Հայաստանի ներկայացուցչությունում ստորագրել էին փոխըմբռնման հուշագիր՝ պաշտոնապես հիմնելով Կալիֆորնիայի առևտրի և ծառայությունների բյուրոն Հայաստանում: Սենատոր Պորտանտինոն Նյու Յորքում էր պատմական իրադարձության ժամանակ՝ որպես առևտրի կենտրոնի շուրջ համաձայնագրի համակարգող:
RUB | 4.27 | 0.02 |
USD | 388.09 | 0.57 |
EUR | 421.93 | 2.44 |
GBP | 491.67 | 3.28 |
CAD | 284.77 | 0.52 |
JPY | 25.09 | 0.21 |
CNY | 53.77 | 0.12 |
CHF | 430.06 | 2.10 |