Արմինֆո.Հայաստանում իսկապես կա տնտեսվարող սուբյեկտներին ԱԱՀ վերադարձնելիս մեքենայություններին առնչվող խնդիր: Այդ մասին հունիսի 14-ին ԱԺ-ում հայտարարել է ՀՀ վարչապետ Նիկոլ Փաշինյանը՝ կառավարական ժամի ընթացքում պատասխանելով "Քաղաքացիական պայմանագիր" խմբակցության պատգամավոր Գուրգեն Արսենյանի հարցին։
Վարչապետի խոսքով ՝ այդ մեքենայությունների առնչությամբ կան քրեական գործեր, անգամ՝ կալանավորվածներ։ Իրավապահ մարմինների գործողությունների արդյունքում երկրի պետական բյուջեում վերականգնվում են զգալի ֆինանսական ռեսուրսներ։ Բացահայտվել են նաև այդ մեքենայությունների շղթաները ։ Ելնելով հայտնաբերած իրավախախտումներից ՝ ՀՀ կառավարությունում արդեն կան նման երևույթները բացառելուն ուղղված օրենսդրական նախաձեռնություններ։ <Կառավարությունը ԱԱՀ-ի շրջանակներում սուբսիդավորում է այն ընկերությունների ծախսերը, որոնք գույք են ձեռք բերում իրենց կարիքների համար, բայց կան նաև անձինք, որոնք նմանատիպ գործարքների վերաբերյալ կեղծ փաստաթղթեր են ներկայացնում՝ կառավարությունից հետվճարներ ակնկալելով: Ստանալը՝ ստանում են, բայց նման գործողություններով հեռու չեն գնա, և այդ անձանց վերջնակետը կլինի քրեակատարողական հիմնարկը>, - ասել է Փաշինյանը։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |