Արմինֆո. Հուլիսի 12-ին տեղի է ունեցել «Արտահանման խթանման գործիքներ՝ Շվեյցարիայի Համադաշնության կողմից տրամադրվող «Արտոնությունների ընդհանրացված համակարգ» (Swiss GSP) հայկական արտահանողների համար» խորագրով իրազեկման միջոցառումը, որը կազմակերպվել էր ՀՀ էկոնոմիկայի նախարարության և Հայաստանում Շվեյցարիայի դեսպանության կողմից՝ Եվրոպական Բիզնես Ասոցիացիայի աջակցությամբ:
Էկոնոմիկայի նախարարության հաղորդագրության համաձայն, միջոցառման նպատակն էր բարձրացնել գործարար համայնքի իրազեկվածությունը ռեժիմի վերաբերյալ և նպաստել Շվեյցարիայի կողմից տրամադրվող «GSP»-ի կիրառման ընդլայնմանը:
«Մեզ համար գերկարևոր է արտահանման դիվերսիֆիկացումը տարբեր շուկաներ, այդ թվում՝ եվրոպական, ամերիկյան և արաբական շուկաներ։ Ներկայում մենք գտնվում ենք արտահանման ավելի համապարփակ ռազմավարության մշակման փուլում, որն առաջիկայում կկարողանանք ներկայացնել հանրային քննարկմանը», - իր խոսքում նշել է նախարարի տեղակալ Ռաֆայել Գևորգյանը։
Միջոցառման ընթացքում ներկայացվել են Շվեյցարիայի կողմից տրամադրվող «GSP» արտոնյալ առևտրային համակարգի հիմնական սկզբունքները, «Գրանցված արտահանողի համակարգը» («REX») և դրա կիրառությունը, դեպի Շվեյցարիա արտահանելու հնարավորությունները և մարտահրավերները՝ անդրադառնալով սննդամթերքի և գյուղատնտեսական ապրանքների արտահանմանն առնչվող հիմնական հարցերին։
Նշենք, որ Շվեյցարիայի GSP ռեժիմն ընդգրկում է բոլոր արդյունաբերական ապրանքները և բազմաթիվ գյուղատնտեսական ապրանքներ, ինչպես նաև արտոնյալ ռեժիմ է ապահովում հարկերի նվազեցման կամ դրանցից ազատման տեսքով: Արդյունաբերական արտադրանքը ներմուծվում է առանց մաքսատուրքի, բացառությամբ տեքստիլ արտադրանքի և հագուստի, որոնց համար տրամադրվում է արտոնյալ զեղչ ' նորմալ դրույքաչափի 50% - ի չափով, և որոշ այլ ապրանքների, որոնց համար տրամադրվում է որոշակի արտոնյալ զեղչ:
Rex (Registered Exporter System) համակարգը գործարարներին ինքնահայտարարագրման հնարավորություն է ընձեռում ։ Մեկ անգամ գրանցվելով ՝ ձեռնարկատերը ընդմիշտ ազատվում է լրացուցիչ հավաստագրման գործընթացից "GSP+" արտոնյալ առևտրի ռեժիմի շրջանակներում գրանցված արտահանողների համակարգի (REX) ներդրումը հեշտացնում է դեպի ԵՄ արտահանման գործընթացը, արտահանողին թույլ է տալիս կրճատել ծախսերը և խնայել ժամանակը:
ՀՀ վիճակագրական կոմիտեի տվյալներով՝ Հայաստանից Շվեյցարիա արտահանումը 2023 թվականի հունվար-մայիս ամիսներին կրճատվել է 69% - ով՝ կազմելով 35.4 մլն դոլար:
