Արմինֆո. Էկոնոմիկայի նախարար Վահան Քերոբյանը հուլիսի 13-ին ընդունել է կիպրոսցի խոշոր գործարար, «Leptos Estates» ընկերության համանախագահ Պանտելիս Լեպտոսին: Նախարարության հաղորդագրության համաձայն, կողմերը քննարկել են համագործակցության հնարավորությունները։
Նշենք, որ Leptos Estates ընկերությունը Leptos Group ընկերությունների խմբի անդամ է և Կիպրոսում ու հունական կղզիներում ավելի քան 57 տարվա պատմություն ունեցող առաջատար կառուցապատող է: Ընկերությունն ունի ներկայացուցչություններ և վաճառքի գրասենյակներ աշխարհի ավելի քան 75 երկրներում: Leptos Estates-ը լայնածավալ ներդրումներ է կատարում հողամասերի գնման և արդյունավետ վաճառքից հետո սպասարկման ոլորտում: Հանդիսանալով Կիպրոսի խոշորագույն մասնավոր ընկերություններից մեկը՝ Leptos Group-ը զբաղվում է նաև բնակելի և առևտրային անշարժ գույքի շինարարությամբ, անշարժ գույքի կառավարմամբ, զբոսաշրջությամբ, առողջապահությամբ, կրթությամբ, քաղաքացիության և կացության թույլտվության տրամադրման ծառայություններով:-
