Երկուշաբթի, 24 Հուլիսի 2023 13:24

Արմինֆո. Հայաստանյան բանկերը դադարեցնում են ակնթարթային դրամական փոխանցումների իրականացումը Unistream համակարգի միջոցով, որի օպերատորը՝ ի դեմս ռուսական Յունիստրիմ բանկի, օրերս հայտնվել է ԱՄՆ-ի արգելափակող պատժամիջոցների տակ: Մասնավորապես, հուլիսի 21-ին այդ մասին հայտարարել է Արդշինբանկը, իսկ հաջորդ օրը՝ հուլիսի 22-ին՝ Կոնվերս Բանկը:

 

Ինչպես նշվում է Արդշինբանկի հաղորդագրության մեջ, այդ առնչությամբ բանկը հայցում է հաճախորդների ներողամտությունը և առաջարկում դրամական փոխանցումեր կատարել բանկի կողմից սպասարկվող արագ դրամական փոխանցումների համակարագերով՝ Moneygram, Intelexpress, Ria, Moneytun: «Փոխանցման պայմաններին և սակագներին ծանոթանալու համար կարող եք անցնել hետևյալ հղումով՝  https://bit.ly/3cxTI9J», - ասվում է Արդշինբանկի հաղորդագրությունում:

 

Կոնվերս Բանկն իր հաղորդագրությունում առաջարկում է գումար փոխանցելու կամ ստանալու համար օգտվել այլ համակարգերից, որոնց մասին մանրամասն տեղեկատվություն առկա է բանկի պաշտոնական կայքում՝ conversebank.am, իսկ հարցերի դեպքում զանգահարել՝ 010 511 211 հեռախոսահամարով:

 

Նշենք, որ ս.թ. հուլիսի 20-ից ԱՄՆ-ը պատժամիջոցների ցանկում (SDN) ներառել է ռուսական Յունիստրիմ բանկը, որը հանդիսանում է Unistream համանուն վճարային համակարգի օպերատորը, որը սովորաբար օգտագործում էին աշխատանքային միգրանտները ՝ դրա միջոցով Ռուսաստանից դրամական միջոցներ փոխանցելով իրենց ընտանիքներին, իսկ 2022 թվականին այդ համակարգը պահանջված էր դարձել նաեւ ռուս էմիգրանտների շրջանում։ Unistream-ի նկատմամբ պատժամիջոցների սահմանմանն արդեն արձագանքել են Վրաստանի երկու խոշորագույն բանկերը. ընկերությունն անհետացել է TBC բանկի հավելվածում փոխանցումների հաշվեգրման վճարային համակարգերի ցանկից, իսկ Bank of Georgia-ի ապահովումը հաճախորդներին հաղորդել է Unistream-ի միջոցով փոխանցումները հաշվեգրելու անհնարինության մասին: Ռուսաստանցի փորձագետները կարծում են, որ OFAC-ը պատժամիջոցներ սահմանելիս, հավանաբար, առաջնորդվել է արտաքին աշխարհի հետ ռուսաստանցիների փոխգործակցության մի շարք հանրահայտ ուղիներին վնաս հասցնելու ցանկությամբ, որոնք վերջին շրջանում ժողովրդականություն են ձեռք բերել: "Սահմանափակումները կմեծացնեն ռուսական վարկային կազմակերպությունների հետ փոխգործակցող արտասահմանյան ֆինանսական ինստիտուտների համար երկրորդային պատժամիջոցների սահմանման ռիսկերը։ Սակայն դա չի նշանակում, որ նրանք լիովին կդադարեցնեն փոխգործակցությունը, գործընկերությունը կարող է պահպանվել ռուբլով կամ այլ բարեկամական արժույթներով գործառնություններ իրականացնելու համար։  Unistream-ն արդեն հայտարարել է ենթակառուցվածքային լուծում մշակելու մասին, որը "թույլ է տալիս անխափան շարունակել փոխգործակցությունը գործընկերների հետ՝ սովորական ռեժիմով": Օտարերկրյա կազմակերպությունների մասնակցությամբ փոխհաշվարկների համար Յունիստրիմ բանկը մտադիր է օգտագործել ազգային արժույթները", - նշել են ռուսաստանցի փորձագետները։