Արմինֆո.Մեկ տարվա ընթացքում Մրցակցության պաշտպանության հանձնաժողովը Առևտրի և ծառայությունների մասին ՀՀ օրենքի խախտումների վերաբերյալ 35 վարույթ է հարուցել՝ տնտեսվարող սուբյեկտների կողմից իրականացվող զեղչային ակցիաների մասով:
Ուսումնասիրելով շուրջ 80 զեղչային ակցիա՝ հանձնաժողովը խախտումներ է հայտնաբերել 35 ձեռնարկատերերի մոտ, որոնցից 31-ն ընդունել են իրենց մեղքը։ Վերջիններս պետք է պետությանը վճարեն 86.2 մլն դրամի չափով տուգանք։ 15 տնտեսվարողներ սահմանափակվել են նախազգուշացումներով ։
Օրենքի նոր կարգավորումների համաձայն, որն ուժի մեջ է մտել 2022 թվականի հուլիսի 31-ին , ձեռնարկատերերը, զեղչային ակցիաների գործարկման դեպքում, պետք է իջեցնեն ապրանքի գինը նախորդ ամսվա գործող միջին գնից ։ Սակայն հաճախ տնտեսվարող սուբյեկտները ակցիայի հայտարարումից 2 օր առաջ բարձրացնում էին արտադրանքի գները, ուստի հետագայում հաշվարկում էին ապրանքի արժեքը օրեր առաջ գործող բարձր գնից։
Հանձնաժողովի նախագահ Գեղամ Գեւորգյանի խոսքով ՝ նորամուծությունների շնորհիվ խախտումները զգալիորեն նվազել են, իսկ զեղչերն ավելի իրատեսական են դարձել: Դրական է, ըստ նրա, նաև այն փաստը, որ իրավախախտում կատարած գործարարների մեծ մասն ընդունել է խախտման փաստը: "Այնուամենայնիվ, ակցիաների միջոցով հասարակությանը մոլորեցնելու փորձերը դեռևս եզակի չեն, ուստի հանձնաժողովը շարունակելու է խոշորացույցի տակ պահել ոլորտը", - ասել է Գեւորգյանը:
