Արմինֆո. Եվրասիական զարգացման բանկի վերլուծաբանների գնահատականների համաձայն, Հայաստանում գնաճը զրոյի մոտ կմնա ընթացիկ տարվա երրորդ եռամսյակի ողջ ընննթացքում։ Դրա գործոններն են դրամի ամրապնդումը, արտաքին գնային ճնշման նվազումը և դրամավարկային կոշտ պայմանները։
Այս մասին ասվում է բանկի վերլուծաբանների ամենշաբաթյա ամփոփադրում։ Նրանք նշում են, որ այս ֆոնին ՀՀ ԿԲ-ը որոշել է երկրորդ անգամ անընդմեջ իջեցնել վերաֆինանսավորման տոկոսադրույքը՝ 0.25 տ.կ.-ով՝ մինչև 10.25%: Վերլուծաբանների ուսումնասիրությունների համաձայն, հուլիսին Հայաստանում գները նվազել են տարեկան 0,1% - ով՝ մեկ ամիս առաջ 0,5% անկումից հետո։ Դրան նպաստել է պարենային հատվածում գնաճի թուլացումը (հուլիսին տարեկան մինուս 3,9%՝ մեկ ամիս առաջ մինուս 5,1%-ից հետո) ՝ ներմուծվող մթերքների էժանացման պատճառով։ Նվազել են նաև ներմուծվող վառելիքի գները (մինուս 7,2% տարեկան), դանդաղել է ոչ պարենային այլ ապրանքների և ծառայությունների գների աճը։
ԵԱԶԲ-ում հիշեցրել են, որ Fitch-ը Հայաստանի վարկանիշը բարձրացրել է մինչեւ <BB->՝ <B+>-ից, կանխատեսումը՝ <կայուն>։ Որոշումը պայմանավորված է տնտեսական աճի կայունությամբ, պետական պարտքի և բյուջեի դեֆիցիտի կայունացմամբ ցածր մակարդակներում, ինչպես նաև արտաքին ֆինանսական դիրքի բարելավմամբ:
