Արմինֆո.Էկոնոմիկայի նախարար Վահան Քերոբյանը Ֆրանկֆուրտ քաղաքում անցկացվող Ներդրումների կառավարման ցուցահանդեսի շրջանակում հայկական տաղավարում հանդիպել է Փոքր ու միջին բիզնեսի գերմանական ասոցիացիայի գործարար ոլորտի մենեջեր Ռեյնոլդ Ունգերն-Շտերնբերգի հետ։ Այն գերմանական խոշորագույն ասոցիացիա է, որի կազմում ընդգրկված է երկրի աշխատակիցների 60%-ը։
Էկոնոմիկայի նախարարության հաղորդագրության համաձայն, Վահան Քերոբյանը ներկայացրել է ՀՀ տնտեսական աճի բարձր ցուցանիշները և նշել, որ աճը հիմնականում պայմանավորված է ոլորտում իրականացվող բարեփոխումներով։ Նախարարն անդրադարձել է նաև առևտրի ոլորտում գրանցվող հաջողություններին։
Տեղեկացնելով, որ վերջին տարվա ընթացքում բազմաթիվ ընկերություններ են տեղափոխվել ու հիմնադրվել ՀՀ-ում՝ Վահան Քերոբյանն առաջարկել է ասոցիացիայի կազմում ընդգրկված ընկերություններին ևս դիտարկել Հայաստանում գործունեություն իրականացնելու և ներկայացուցչություններ բացելու հնարավորությունը։
Ձեռք է բերվել պայմանավորվածություն տնտեսության ոլորտում առկա ներուժի, պետական օժանդակության գործիքների մասին տեղակատվությունը փոխանցել գերմանական ընկերություններին՝ հնարավոր համագործակցության հեռանկարով։
Նշենք, որ ՀՀ վիճակագրական տվյալների ՝ Հայաստանի և Գերմանիայի միջև առևտրաշրջանառությունը 2023 թվականի հունվար-հուլիս ամիսներին աճել է 67,9% - ով՝ ապահովելով 393.9 մլն դոլար ծավալ: Ընդ որում, արտահանումը կրճատվել է 20,1% - ով՝ մինչև 51.6 մլն դոլար, ներմուծման կրկնակի՝ մինչև 342.3 մլն դոլար աճի դեպքում:
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |