Վահան Քերոբյանը հայտարարել է ԱՄԷ-ի հետ ստորագրվելիք մի շարք համաձայնագրերի մասին

Արմինֆո.Շուտով Հայաստանն ու Արաբական Միացյալ Էմիրությունները համաձայնագիր կստորագրեն պարենային անվտանգության ոլորտում։ Այդ մասին սեպտեմբերի 18-ին հայ-էմիրաթական գործարար համաժողովի շրջանակում լրագրողներին հաղորդել է Հայաստանի էկոնոմիկայի նախարար Վահան Քերոբյանը ։ "Դա կբարձրացնի հայկական ապրանքների հասանելիությունը էմիրաթական շուկա, ինչը կարեւոր քայլ է արտահանման խթանման համատեքստում", - ասել է նախարարը:

Այդ կապակցությամբ նա տեղեկացրել է, որ աշխատանքներ են տարվում իրանցի գործընկերների հետ ՝ Իրանի տարածքով դեպի Պարսից ծոցի երկրներ հայկական ապրանքների տարանցման համար լոգիստիկ կապերի պարզեցման և բարելավման ուղղությամբ: "Մեր նպատակն է այնպես անել, որ լոգիստիկ կապերի բարելավման միջոցով վերացվեն առևտրում առկա արգելքները և նպաստեն առևտրային հարաբերությունների դինամիկ զարգացմանը", - ասել է նախարարը:

ԱՄԷ-ի հետ համագործակցությունը խորացնելու նպատակով Քերոբյանը խոսել է նաև ծառայությունների եւ ներդրումների ոլորտում երկկողմ համաձայնագրի ստորագրման ծրագրերի մասին: <Բացի ֆիզիկական ապրանքներից, ծառայությունները զգալի մասնաբաժին ունեն մեր երկրների միջև առևտրում: Նախատեսում ենք առաջիկայում և այդ համաձայնագիրը ստորագրել>, - եզրափակել է նա։

Նշենք, որ այսօր Երևանում մեկնարկել է հայ-էմիրաթական գործարար համաժողովը, որին մասնակցել են 200-ից ավելի հայկական և էմիրաթական ընկերություններ: Համաժողովի ընթացքում ներկայացվել են Հայաստանի ներդրումային միջավայրը, գործարար հնարավորությունները, ինչպես նաև Հայաստանում գործունեություն ծավալող էմիրաթական ընկերությունների հաջողության պատմությունները: Այնուհետև տեղի են ունեցել ներդրումային ուղղվածություն ունեցող B2B հանդիպումներ, որոնց ընթացքում ԱՄԷ ներդրողներին հայկական ընկերությունները ներկայացրել են իրենց ծրագրերը: Այդ հանդիպումներին հաջորդել են արտահանման և առևտրի ուղղությամբ B2B քննարկումները ։

ՀՀ vիճակագրական կոմիտեի տվյալներով ՝ Հայաստանի և ԱՄԷ-ի միջև առևտրաշրջանառությունը 2023 թվականի հունվար-հուլիս ամիսներին աճել է 2.9 անգամ ՝ կազմելով 545.9 մլն դոլար: Ընդ որում, արտահանումն աճել է 3.2 անգամ՝ mi9eu 514.5 մլն դոլար՝ ներմուծման 4.6%՝ մինչեւ 31.4 մլն դոլար աճի դեպքում: