ՌԴ ներմուծվող կոնյակի ընդամենը յուրաքանչյուր 10-րդ շիշն է համապատասխանում է ԳՕՍՏ - ին. որակի առումով ամենից շատ անհամապատասխանություններ են հայտնաբերվել հայկական բրենդերում

Արմինֆո.Ռուսաստան ներկրվող կոնյակի միայն յուրաքանչյուր 10-րդ շիշն է համապատասխանում է ԳՕՍՏ-ին. որակի առումով ամենից շատ անհամապատասխանություններ են հայտնաբերվել հայկական բրենդերում, սակայն կան նաեւ մոլդովական եւ բելառուսական արտադրողներ: Ինչպես հաղորդում է "Իզվեստիան", այս մասին հայտարարել է Ռուսաստանի կոնյակ, սպիրտ եւ ալկոհոլային արտադրանք արտադրողների միության ղեկավար, Պետդումայի պատգամավոր Վլադիսլավ Ռեզնիկը:

Մասնավորապես, նա նշել է, որ միայն այս տարի դաշնային մաքսային ծառայությունը հայտնաբերել է Հայաստանի արտադրության ավելի քան 450 տոննա կոնյակ, որը չի համապատասխանում ԳՕՍՏ-ին և պարունակում է ոչ ալկոհոլային սպիրտներ: Ընդ որում, Ռեզնիկն ընդգծել է, որ Հայաստանում չի աճեցվում խաղողի այն ծավալը, որն անհրաժեշտ է կոնյակի նման մասշտաբային արտադրության եւ դրա արտահանման համար: <Մեր գնահատականներով, խաղողի աճեցման ընդհանուր հնարավոր ծավալը կարող է լինել ոչ ավելի, քան 400 հազար տոննա: Ընդ որում, 2022 թվականին Ռուսաստան է ներմուծվել 2,1 միլիոն դալ կոնյակի թորվածք (1 դալ = 10 լ), իսկ 2023 թվականի առաջին կիսամյակում՝ 1,6 մլն դալ", - նշել է պատգամավորը։

Միությունում նշել են, որ օրինախախտների թվում են "Հայաստանի շեդեւր"  եռամյա կոնյակը, "Երևանի գանձ" հնգամյա, "Հայաստանի լեգենդ" եռամյա, "Հին Էրիվան" եռամյա կոնյակը, " ԱՎԶ հայկական կոնյակը", "Միհրդատ", "Հայկական կոնյակ", "Տափերական" հնգամյա, "Ամրոց" կոնյակները: