Արմինֆո.«Էյչ-Էս-Բի-Սի Բանկ Հայաստան» ՓԲԸ-ն (այսուհետ` HSBC Հայաստան/Բանկ) ուրախությամբ տեղեկացնում է, որ ս․ թ․ նոյեմբերի 6-ից Բանկի Գլխավոր գրասենյակը կտեղափոխվի նոր, հարմարավետ և ժամանակակից տարածք։
HSBC Հայաստանն իր հաճախորդներին սիրով կհյուրընկալի Երևան, Պարոնյան 42 հասցեում, որտեղ նրանց համար ստեղծված է հարմարավետ միջավայր: Նշենք, որ Բանկը կպահպանի իր Տերյան 66 հասցեում գործող գրասենյակը, որը կշարունակի իր գործունեությունը որպես «Տերյան» մասնաճյուղ։
Ավելին, HSBC Հայաստանի STATUS հաճախորդների սպասարկումը նախկին Բաղրամյան 4/1 հասցեի փոխարեն կիրականացվի նորաբաց Գլխավոր գրասենյակում, որտեղ ստեղված են բոլոր պայմանները նրանց առանձնահատուկ մոտեցում ցուցաբերելու համար։
«Մենք մեծ ոգևորությամբ ենք բացում մեր նոր Գլխավոր գրասենյակի դռները։ Այնտեղ բոլորի համար ստեղծված է հարմարավետ և ժամանակակից միջավայր՝ հաճախորդների սպասումներին և բարձր չափանիշներին համապատասխան:
Նոր գրասենյակի բացման համար հիմք է հանդիսացել նաև աշխատանքային պայմանների ապահովման վերաբերյալ HSBC խմբի վերջին մոտեցումների կիրառման մեր հանձնառությունը։ Դրանք ենթադրում են ստեղծել պայմաններ աշխատակիցների բարեկեցության համար՝ նախապատվություն տալով նրանց ճկուն աշխատաոճի ապահովմանն ու անձնական կյանքի և աշխատանքի միջև հավասարակշռության պահպանմանը։ Ժամանակակից ինտերիերային լուծումները հնարավորություն են ընձեռում մեր աշխատակիցներին առաջարկել իրենց նախընտրելի աշխատաոճին համապատասխան հարմարություններ»,- մեկնաբանեց HSBC Հայաստանի գլխավոր գործադիր տնօրեն Իրինա Սեյլանյանը։
RUB | 4.21 | -0.05 |
USD | 388.01 | 0.28 |
EUR | 417.11 | -0.44 |
GBP | 484.90 | -1.43 |
CAD | 282.27 | -1.16 |
JPY | 24.97 | -0.13 |
CNY | 53.69 | -0.03 |
CHF | 426.99 | -0.40 |