LIBOR-ի փոփոխություն. Հայաստանը փոփոխություններ է կատարում ԵՆԲ-ի  հետ ֆինանսական համաձայնագրում

Արմինֆո.Հայաստանը փոփոխություններ է կատարում Եվրոպական ներդրումային բանկի (ԵՆԲ) հետ ֆինանսական համաձայնագրում, որն ուղղված է Երեւան քաղաքի ջրամատակարարման ցանցի վերականգնմանը: Հանրապետության կառավարությունը նոյեմբերի 9-ին հավանություն է տվել <LIBOR> տոկոսադրույքի փոփոխությունն ստորագրելու առաջարկությանը:

Ինչպես ասվում է փաստաթղթի պարզաբանման մեջ, 2014թ. հունիսի 27-ին Հայաստանի Հանրապետության եւ Եվրոպական ներդրումային բանկի միջեւ ստորագրվել է "Երեւանի ջրամատակարարման բարելավում" ֆինանսական համաձայնագիրը (7 մլն դոլար կամ 5,4 մլն եվրո), որն ուղղված է տարբեր բնակավայրերում  առանձնատներով կառուցապատված տարածքներում առկա ջրամատակարարման բաշխիչ ցանցերի վերակառուցմանը. Երևան քաղաքի բազմաբնակարան շենքերի հատվածներում բակային կիսաքանդ պոմպակայանների վերակառուցում և արդիականացում, առանձնատներով բնակեցված թաղամասերի բաշխիչ ցանցի փոխարինում/վերակառուցում և ջրաչափերի դուրս բերում առանձնատներից կամ բնակիչներին պատկանող տարածքներից մինչև բաշխիչ ցանցի սահմանազատման կետը:

Նշվում է, որ ծրագրի շրջանակներում նախատեսված աշխատանքներն ամբողջությամբ իրականացնելու նպատակով հայկական կողմը նախաձեռնել է վարկային միջոցների վերջնական տրամադրման ժամկետի երկարաձգում մինչև 2025 թվականի դեկտեմբերի 23-ը: Ժամկետի երկարաձգման շրջանակներում նախատեսվում է ֆինանսական պայմանագրի հերթական փոփոխություն, որի համաձայն, կիրականացվի <LIBOR> տոկոսադրույքից անցում շուկայական այլ տոկոսադրույքի՝ <SOFR> (Secured Overnight Financing Rate): Վերջինս հաշվարկվում և հրապարակվում է Նյու Յորքի Դաշնային պահուստային բանկի կողմից:

<Նոր տոկոսադրույքի անցումը պայմանավորված է նրանով, որ առաջատար բանկերը ծրագրում են դադարեցնել LIBOR տոկոսադրույքի գնանշումը ' այդ տոկոսադրույքի գնանշման ընթացքում հայտնաբերված խարդախության դեպքերի առկայության պատճառով: LIBOR տոկոսադրույքը համաշխարհային արժութային շուկայում ինդիկատիվ տոկոսադրույքն է, և համանման փոփոխություններ են կատարվել այլ վարկային ֆինանսական հաստատությունների կողմից (ներառյալ Համաշխարհային բանկը և Ասիական զարգացման բանկը):

«Երեւանի ջրամատակարարման բարելավում» ֆինանսական համաձայնագրի փոփոխությունը, կապված <LIBOR>-ի հետ, չի ենթադրում լրացուցիչ ֆինանսական պարտաաավորություններ Հայաստանի Հանրապետության համար», - ասվում է փաստաթղթում։

Համաշխարհային կարգավորիչները որոշել են հրաժարվել LIBOR ցուցիչից (London Interbank Offered Rate. Լոնդոնում տեղակայված առաջատար համաշխարհային բանկերի միջբանկային վարկերի առաջարկի միջին կշռված տոկոսադրույքն է ։ Այն հաշվարկվում է օրական մեկ անգամ 'հիմնվելով բանկերի հարցման վրա' յոթ վարկի ժամկետների համար 'մեկ օրից (մեկ գիշերից) մինչև 12 ամիս և հինգ պահուստային արժույթների համար. ԱՄՆ դոլար, եվրո, շվեյցարական ֆրանկ, ֆունտ ստեռլինգ, Ճապոնական իեն) 2012 թվին տոկոսադրույքի մանիպուլյացիայի փաստերի բացահայտումից հետո և սկսել են բարեփոխում ' աստիճանաբար նոր ցուցիչների անցնելու համար: Նշվել է, որ IBOR ընտանիքի տոկոսադրույքների և, մասնավորապես, LIBOR-ի հիմնական թերությունը  դարձել է մանիպուլյացիայի մեծ հավանականությունը՝ կարգավորման բացակայության և հաշվարկի անկատար մեթոդի պատճառով։ Արդյունքում նախաձեռնվել է պարտքի շուկայի էտալոնային տոկոսադրույքների գլոբալ բարեփոխում: Հանձնարարված այլընտրանքը, ինչպես նշվել է, SOFR (Secured Overnight Financing Rate) տոկոսադրույքն է, որը պաշտոնապես հրապարակվում է 2018 թվականի ապրիլից։ SOFR-ը հաշվարկվում է որպես ԱՄՆ գանձապետարանի պետական արժեթղթերով ապահովված պայմաններով մեկօրյա ՌԵՊՈ գործարքների երեք տեսակի ծավալի միջին կշռված տոկոսադրույք:։