Արմինֆո. Հայաստանը վերածվել է ավտոմոբիլային տարանցման երկրի։ Այդ մասին նոյեմբերի 16-ին Ազգային ժողովի ամբիոնից հայտարարել է "Հայաստան" ընդդիմադիր խմբակցության պատգամավոր Արթուր Խաչատրյանը՝ մեկնաբանելով երկրի պետական բյուջեի նախագիծը։
Պատգամավորը նշել է, որ երկրի տնտեսության աճի բարձր տեմպերը ռուս-ուկրաինական հակամարտության արդյունք են, ինչի շնորհիվ Ռուսաստանի հետ Հայաստանի ապրանքաշրջանառությունն աճել է վերաարտահանման, դրամական և մարդկային հոսքերի տարանցման հաշվին: Որպես օրինակ Խաչատրյանը նշել է ավտոմեքենաների ներմուծման 58,4 տոկոս աճը, որոնք հետո արտահանվել են Ռուսաստան։ "Հայաստանը դարձել է ավտոմոբիլային տարանցման երկիր", - ասել Է ընդդիմադիրը։
Ինչ վերաբերում է աշխատաշուկային, ապա, ինչպես ընդգծել է Խաչատրյանը, այստեղ էլ հետաքրքիր պատկեր է դիտվում։ Միայն այս տարվա առաջին եռամսյակում երկիրը լքել է Հայաստանի 26 հազար քաղաքացի, որոնց տեղերն զբաղեցրել են հնդիկներն ու պակիստանցիները։
Պատգամավորը բարձրացրել է նաև պետության անվտանգության հարցը։ Նա նշել է, որ Ադրբեջանի ագրեսիվ հռետորաբանության ֆոնին երկրի պաշտպանական գերատեսչության բյուջեի 7,3 տոկոս աճը բավարար չէ։ Միաժամանակ, ընդդիմադիրն ուշադրություն է հրավիրել հաջորդ տարվա պետական բյուջեի նախագծում դրված մեկ այլ թվի վրա՝ դա իրավապահ համակարգին հատկացումների 16 տոկոս աճն է ։ "Ստացվում է, որ երկրի իշխանությունները սեփական քաղաքացիներից ավելի շատ են վախենում, քան արտաքին թշնամիներից", - ասել է Խաչատրյանը:
Պատգամավորը խիստ քննադատության է ենթարկել նաև ՀՀ իշխանությունների նախաձեռնած "Խաղաղության խաչմերուկ" նախագիծը, նշելով, որ այս նախագիծը զուրկ է որևէ տնտեսական նպատակահարմարությունից:
RUB | 4.24 | 0.04 |
USD | 387.64 | -0.37 |
EUR | 417.91 | -0.33 |
GBP | 485.83 | -0.42 |
CAD | 283.42 | -0.19 |
JPY | 24.87 | -0.04 |
CNY | 53.58 | -0.13 |
CHF | 427.48 | -0.46 |