Արմինֆո. Փոխվարչապետ Մհեր Գրիգորյանը այսօր Մոսկվայում մասնակցել է Եվրասիական տնտեսական հանձնաժողովի խորհրդի հերթական նիստին, որի ընթացքում որոշվել է սակագնային արտոնություն տրամադրել 2024 և 2025 թվականների ընթացքում Հայաստան ներմուծվող էլեկտրական շարժիչով տրանսպորտային միջոցների համար: ՀՀ կառավարության հաղորդագրության համաձայն, Հայաստանի համար քվոտան սահմանվել է տարեկան ութ հազար տրանսպորտային միջոց:
ԵՏՀ պաշտոնական հաղորդագրության մեջ ասվում է, որ ԵՏՀ խորհուրդը մինչև 2025 թվականի դեկտեմբերի 31-ը երկարաձգել է Եվրասիական տնտեսական միության երկրներ սահմանափակ քանակությամբ ներմուծվող էլեկտրամոբիլների նկատմամբ մաքսատուրքի վճարումից ազատելու սակագնային արտոնությունը: < Մաքսատուրքերի վճարումից ազատում տրամադրվում է միայն Հայաստանի Հանրապետությունում, Բելառուսի Հանրապետությունում, Ղազախստանի Հանրապետությունում և Ղրղզստանի Հանրապետությունում մշտապես բնակվող քաղաքացիներին: Միևնույն ժամանակ, չի թույլատրվում էլեկտրական մեքենաների տիրապետման, օգտագործման և տնօրինման իրավունքների փոխանցումը Ռուսաստանի Դաշնությունում քաղաքացիություն և (կամ) մշտական բնակություն ունեցող անձանց", - ասվում է հաղորդագրության մեջ:
