Արմինֆո.ՀՀ ֆինանսների նախարարությունում նոյեմբերի 27-ին ստորագրվել են «Սեյսմիկ անվատանգության բարելավման ծրագիր» եւ «Երեւանի քաղաքային զարգացման ներդրումային ծրագիր» վարկային համաձայնագրերը Հայաստանի Հանրապետության եւ Ասիական զարգացման բանկի (ԱԶԲ) միջեւ:
Ինչպես հաղորդել է Ֆինանսների նախարարության մամուլի ծառայությունը, համաձայնագրի ստորագրումը կազմակերպվել է ԱԶԲ նախագահ Մասաթուգու Ասակավայի՝ Հայաստան այցի շրջանակներում: Միջոցառմանը ներկա են գտնվել նաեւ ԱԶԲ Կենտրոնական եւ Արեւմտյան Ասիայի վարչության տնօրեն Եվգենի Ժուկովը, ԱԶԲ Գործադիր տնօրեն Մեյդ Վիջայան, Երեւանի քաղաքապետ Տիգրան Ավինյանը, ՀՀ տարածքային կառավարման եւ ենթակառուցվածքների նախարար Գնել Սանոսյանը:
Փաստաթուղթը ստորագրել են ՀՀ ֆինանսների նախարար Վահե Հովհաննիսյանը եւ Ասիական զարգացման բանկի հայաստանյան գրասենյակի ղեկավար Դոնալդ Լամբերտը:
«Սեյսմիկ անվատանգության բարելավման ծրագիրն» իրականացվում է Հայաստանի Հանրապետության եւ Ասիական զարգացման բանկի միջեւ 2015թ․ հոկտեմբերի 19-ին կնքված վարկային համաձայնագրի հիման վրա: Ծրագիրը մեկնարկել է 2016թ, որի շրջանակներում ԱԶԲ-ից ներգրավվել են վարկային միջոցներ՝ 88,5 մլն ԱՄՆ դոլարին համարժեք գումարի չափով:
Ստորագրված համաձայնագրով նախատեսվում է ներգրավել եւս 66,100,000 եվրոյի չափով վարկային միջոցներ՝ ծրագրի ամբողջական իրականացումն ավարտին հասցնելու նպատակով։ Ծրագրի հիմնական եւ առանցքային ցուցանիշը հանդիսանում է առնվազն 46 դպրոցների կառուցումը կամ ամրացումը սեյսմակայունության ժամանակակից չափանիշներին համապատասխան, այդկերպ՝ շուրջ 20000 աշակերտի համար անվտանգ կրթական պայմանների ապահովումը: Ծրագրի շրջանակներում մինչ այժմ կառուցվել է 16 դպրոց։ Ներկայում ընթանում են 20 դպրոցի շինարարական աշխատանքներ։ 10 դպրոց գտնվում է նախագծային (ավարտական) աշխատնքերի իրականացման տարբեր փուլերում։ Նշյալ ծրագիրն ամբողջովին համահունչ է ՀՀ կառավարության 2021-2026թթ. ծրագրին, որի առաջնահերթ ուղղություններից է դպրոցաշինությունը:
Վահե Հովհաննիսյանի եւ Դոնալդ Լամբերտի միջեւ ստորագրվել է նաեւ մեկ այլ՝ «Երեւանի քաղաքային զարգացման ներդրումային ծրագիր» վարկային համաձայնագիրը 60,090,000 եվրո արժողությամբ: Ծրագրի իրականացման համաձայնագիրը ստորագրել են Երեւանի քաղաքապետ Տիգրան Ավինյանը եւ ԱԶԲ հայաստանյան գրասենյակի ղեկավարը: Ծրագրի նպատակն է զարգացնել քաղաքային ենթակառուցվածքները՝ կառուցելով Իսակով-Արշակունյաց նոր ճանապարհահատվածը, որը կկապի Երեւան քաղաքի 3 վարչական շրջանները եւ էականորեն կնվազեցնի քաղաքային խցանումները: Ծրագրի իրականացման արդյունքում հնարավոր կլինի նվազեցնել առկա ճանապարհը, քաղաքային խցանումները, ինչպես նաեւ ստեղծել նոր քաղաքային ենթակառուցվածքներ:
ԱԶԲ-ն հիմնադրվել է 1966 թվականին, նրա անդամ են 68 երկրներ, որոնցից 49-ը գտնվում են տարածաշրջանում: 2005 թվականից ԱԶԲ-ն աջակցում է Հայաստանին տարբեր ծրագրերի միջոցով, հիմնականում, տրանսպորտի, պետական ֆինանսների, դպրոցների անվտանգության, էներգետիկայի, ջրամատակարարման և քաղաքային զարգացման ոլորտներում: Սուվերեն վարկերի ակտիվ պորտֆելի շուրջ 70% - ը բաժին է ընկնում տրանսպորտին, օգնելով զարգացնել արդյունավետ, անվտանգ և կայուն ճանապարհային ցանց ՝ միաժամանակ բարելավելով Հայաստանի ներքին և անդրսահմանային հաղորդակցությունը: Մինչ օրս ԱԶԲ-ը Հայաստանի պետական հատվածին հատկացրել է 59 վարկ, դրամաշնորհ և տեխնիկական աջակցություն՝ 1,3 մլրդ դոլար ընդհանուր գումարի չափով:
Հայաստանում ՊԲԱ-ն պետական մարմինների ներխուժում է մասնավոր դաշտ եւ հերթական հարկ՝ նոր անվանակոչմամբ․ փորձագետ
Աշխատում էին համապարփակ բժշկական ապահովագրության վրա, ստացան՝ համընդհանուր։ Հայաստանը շուկայական տնտեսության մոդելից լայնածավալ հետքայլ է կատարում դեպի վարչահրամայական տնտեսություն. Հայկազ Ֆանյան
Մարիամ Համբարձումյան. Հայաստանի կրթական համակարգն առայժմ չի կարողացել անցնել այն տրանսֆորմացիան, որն այսօր անհրաժեշտ է բիզնեսի համար
Շաքարի ներմուծումը Հայաստան 2025թ. առաջին կիսամյակում կրճատվել է 66%-ով
ATI.SU․ Հայաստանում միջազգային բեռնափոխադրումների պահանջարկը 30%- ով աճել է
ՔՊ-ը Կենտրոնական բանկի խորհրդի անդամի պաշտոնի համար առաջադրել է Արմեն Քթոյանի թեկնածությունը
Հայաստանն ու Ֆրանսիան դիտարկում են տեխնոլոգիական ոլորտում համագործակցության ընդլայնման հեռանկարները