Առկա են բոլոր նախադրյալները Հայաստանի պետբյուջեի պակասուրդը ՀՆԱ-ի 4,6 տոկոս մակարդակի հասցնելու համար. նախարար

Արմինֆո. Առկա են բոլոր նախադրյալները Հայաստանի պետական բյուջեի պակասուրդը երկրի ՀՆԱ-ի 4,6 տոկոս մակարդակի հասցնելու համար։ Այդ մասին հայտարարել է ՀՀ ֆինանսների նախարար Վահե Հովհաննիսյանը՝ Ազգային ժողովում 2024 թվականի պետական բյուջեի նախագծի վերաբերյալ լսումների ժամանակ։

Նրա խոսքով, ներկայումս Հայաստանի պետական բյուջեի պակասուրդը գտնվում է կապիտալ ծախսերի 40-50 տոկոսի սահմաններում: Նախարարը նշել է, որ պետբյուջեի պակասուրդի սահմանափակումները, ըստ բյուջետային կանոնների, գտնվում են եռամակարդակ գոտում՝ 40,50 և 60 տոկոս: 60% ցուցանիշը գերազանցելու դեպքում բյուջեի կանոնները փոխվում են։ Հովհաննիսյանը հավելել է, որ պետբյուջեի պակասուրդը չի կարող գերազանցել կապիտալ ծախսերի ծավալները, որոնք կազմում են ՀՆԱ-ի 6,6 տոկոսը:

Նախարարն ընդգծել է, որ բազմաթիվ ուսումնասիրություններ են իրականացվում պակասուրդի մակարդակի գնահատման և դրա նվազեցման միջոցառումների ուղղությամբ՝ գնաճային ճնշումները կանխելու նպատակով:

Նշենք, որ պետբյուջեի 482,9 մլրդ դրամ պակասուրդը կֆինանսավորվի ինչպես ներքին ռեսուրսների հաշվին՝ 351,1 մլրդ դրամի չափով, այնպես էլ արտաքին աղբյուրներից՝ 131,8 մլրդ դրամի չափով։ Պետական գանձարանի 1 տրլն 723 մլրդ դրամ եկամուտներից 2 տրլն 613 մլրդ դրամը կկազմեն հարկային եկամուտները և պետական տուրքը (ՀՆԱ-ի 24,9%)՝ ընթացիկ տարվա ակնկալվող 2 տրլն 277.8 մլրդ դրամի (ՀՆԱ-ի 24,1% - ը) և նաաախորդ տարվա 1 տրլն 962.5 մլրդ դրամի (ՀՆԱ-ի 23,1% - ը) դիմաց։ 22 մլրդ 276 մլն դրամը կկազմեն պաշտոնական դրամաշնորհները, 87 մլրդ 676 մլն դրամ՝ այլ եկամուտները։

Միջին գնաճը կանխատեսվում է 3.2%՝ 2023 թվականի վերջին սպասվող 2.2%-ի և 2022 թվականի փաստացի 8.6% - ի փոխարեն: