Արմինֆո. ՀՀ կառավարությունը դեկտեմբերի 7-ին հավանություն է տվել Հայաստանի Հանրապետության և Եվրոպական ներդրումային բանկի միջև 2016 թվականի նոյեմբերի 18-ի "Հյուսիս-Հարավ ճանապարհային միջանցք" դրամաշնորհային համաձայնագրում փոփոխություններ կատարելու մասին թիվ 1 նամակի ստորագրման առաջարկությանը:
Ինչպես ասվում է փաստաթղթի պարզաբանման մեջ, ԵՄ Հարևանության ներդրումային գործիքի շրջանակներում 2016թ. նոյեմբերի 18-ին ստորագրված "Հայաստանի Հանրապետության (ՀՀ) և Եվրոպական ներդրումային բանկի (ԵՆԲ) միջև "Հյուսիս-Հարավ ճանապարհային միջանցք" դրամաշնորհային համաձայնագրի (6 մլն եվրո ներդրումային դրամաշնորհ և 6 մլն եվրո տեխնիկական աջակցություն), ինչպես նաև 2013թ. նոյեմբերի 7-ի և 2013թ. նոյեմբերի 18-ի նույնանուն ֆինանսկան համաձայնագրի (60 մլն եվրո) հիման վրա իրականացվում են Լանջիկ-Գյումրի 27,47 կմ ներդրումային ծրագրի 3-րդ տրանշի շրջանակներում:
Նախագծի շրջանակներում կնքվել են շինարարական աշխատանքների կատարման և տեխնիկական հսկողության պայմանագրեր, որոնց հիման վրա աշխատանքները պետք է ավարտվեին 2022 թվականի դեկտեմբերին։ Մինչդեռ, ծրագրի իրականացման ընթացքում ի հայտ եկած մի շարք խնդիրներ էականորեն ազդել են ծրագրի ավարտի ժամկետների վրա: Մասնավորապես, նախագծի շինարարական աշխատանքների իրականացման ընթացքում Բենիամին համայնքում ճանապարհի եզրագծում հայտնաբերվել է հնագիտական օբյեկտ, և անհրաժեշտություն է առաջացել վերանայել նախագիծը և շրջանցել նշված հատվածը, իրականացնել օտարման գործընթաց, ինչն իր ազդեցությունն է ունեցել աշխատանքների իրականացման նախնական ժամանակացույցի վրա:
Բացի այդ, աշխատանքները դադարեցվել են կապալառուի կողմից 2022 թվականին մոտ 8 ամսով ՝ ԵՆԲ-ի ֆինանսավորման հետ կապված ձգձգումների պատճառով։ Մինչ ԵՆԲ-ի ֆինանսավորման վերսկսումը ՀՀ կառավարությունը միջոցներ էր տրամադրել առկա պարտավորությունները մարելու և աշխատանքները վերսկսելու համար: Այնուամենայնիվ, աշխատանքները հետ են մնացել սահմանված ժամկետից։ Աշխատանքների արդյունավետության վրա որոշակի ազդեցություն է ունեցել նաև համավարակի կանխարգելման նպատակով հայտարարված արտակարգ դրությունը։
Հաշվի առնելով, որ դրամաշնորհային միջոցների հասանելիության ընթացիկ ժամանակահատվածը չի ապահովում ծրագրով նախատեսված շինարարական աշխատանքների ամբողջական իրականացումը, անհրաժեշտություն է առաջացել երկարաձգել դրամաշնորհային համաձայնագրի գործողության ժամկետը մինչև 2024 թվականի ապրիլի 30-ը: "Նոյեմբերի 18-ի" Հյուսիս - Հարավ ճանապարհային միջանցք" դրամաշնորհային համաձայնագրում փոփոխություններ կատարելը Հայաստանի համար լրացուցիչ ֆինանսական պարտավորություններ չի նախատեսում", - ասվում է փաստաթղթում:
