Արմինֆո.ԱՄՆ Միջազգային զարգացման գործակալությունը մեծածավալ ներդրումներ է կատարում Հայաստանի տնտեսության մեջ։
ԱՄՆ ՄԶԳ հաղորդագրության համաձայն, վերջերս Ամերիկայի Միացյալ Նահանգների Միջազգային զարգացման գործակալությունը պաշտոնապես մեկնարկել է «Տնտեսական հիմքեր՝ հանուն դիմակայուն Հայաստանի» ծրագիրը, որի բյուջեն կազմում է մոտ 25 միլիոն դոլար։
Ծրագրի առաջնային նպատակը Հայաստանի տնտեսական դիմակայունության ամրապնդումն է, ինչպես նաև մրցունակության ու տնտեսական կառավարման խթանումը՝ կառավարության և մասնավոր հատվածի հետ սերտ գործակցության միջոցով:
«ԱՄՆ կառավարությունը՝ ԱՄՆ Միջազգային զարգացման գործակալության միջոցով, հանձնառու է աջակցել Հայաստանի տնտեսական աճին: Դա ներառում է մասնավոր հատվածի հետ գործընկերություն՝ ներգրավելու ներդրումներ, տեխնոլոգիաներ և գիտելիք, ինչպես նաև՝ բիզնես միջավայրի բարելավում, ներդրումների համար նպաստավոր միջավայրի ստեղծում և տնտեսական զարգացման քաղաքականության մշակում»,- միջոցառմանն իր ելույթում նշել է ԱՄՆ ՄԶԳ հայաստանյան առաքելության տնօրեն Ջոն Ալելոն:
Հնգամյա այս ծրագիրը նպատակ ունի 60 միլիոն դոլար գումարի չափով ներդրումներ մոբիլիզացնել՝ «Ներդրումների մոբիլիզացման հարթակի» միջոցով, ինչպես նաև օգնել 750 ընկերությունների՝ մեծացնել վաճառքների ծավալները։ Բացի այդ, ծրագիրը կնպաստի գործարար և ներդրումային միջավայրի բարելավմանը` աջակցելով առանցքային իրավական փաստաթղթերի մշակմանը:
RUB | 4.21 | -0.05 |
USD | 388.01 | 0.28 |
EUR | 417.11 | -0.44 |
GBP | 484.90 | -1.43 |
CAD | 282.27 | -1.16 |
JPY | 24.97 | -0.13 |
CNY | 53.69 | -0.03 |
CHF | 426.99 | -0.40 |