Հայաստանում կանցկացվի կապիտալի շուկային նվիրված առաջին ներդրումային-ֆինանսական համաժողովը

Արմինֆո. 2024 թ. մարտի 5-ին կկայանա «Հայաստանի կապիտալի շուկան. ապագայի հեռանկարներ» խորագրով առաջին ներդրումային և ֆինանսական համաժողովը Հայաստանում: Այդ մասին հաղորդում է Freedom Broker ընկերությունը, որը հանդես է եկել որպես առաջիկա միջոցառման կազմակերպիչ։

Աղբյուրը նշում է, որ միջոցառումը նախապես նախատեսված էր անցկացնել 2023 թվականի հոկտեմբերին եւ կազմակերպված է Freedom Broker Armenia-ի և Հայաստանի Հանրապետության էկոնոմիկայի նախարարության հետ համագործակցությամբ: Այն բեկումնային է լինելու Հայաստանի կապիտալի շուկայի աճի համար: Համաժողովի հիմնական թեման կլինի Հայաստանում ներդրումային միջավայրի և կապիտալի շուկաների զարգացման հեռանկարների քննարկումը:

Համաժողովը կդառնա շուկայի առանցքային մասնակիցների, այդ թվում ՝ պետական իշխանության մարմինների, բիզնեսի ներկայացուցիչների, ԶԼՄ-ների և հանրության միջև փոխգործակցության առաջատար հարթակ: Սպասվում է, որ միջոցառմանը կմասնակցի ավելի քան 500 մարդ, որոնց թվում են պետական կազմակերպությունների ղեկավարներ, բիզնեսի ղեկավարներ, մասնավոր ներդրողներ և ԶԼՄ-ների ներկայացուցիչներ:

«Հայաստանում առաջին ներդրումային համաժողովն այն վայրն է, որտեղ հանդիպում են գաղափարներ, ի հայտ են գալիս նոր հնարավորություններ, և ձևավորվում է ներդրումային միջավայրի ապագան: Մենք հրավիրում ենք բոլոր շահագրգիռ անձանց միանալ մեր ֆորումին և միասին ստեղծել բարենպաստ պայմաններ Հայաստանում կապիտալի շուկաների զարգացման համար>, - նշում է Freedom Broker Armenia-ի գլխավոր տնօրեն Հովակ Հովակիմյանը:

Կենտրոնական միջոցառումը կլինի լիագումար նիստը, որին կմասնակցեն Էկոնոմիկայի նախարարության, Կենտրոնական բանկի, Ֆինանսների նախարարության, առաջատար բանկերի ղեկավարները, ինչպես նաև հայկական և միջազգային խոշոր ընկերությունների և ներդրումային հիմնադրամների ներկայացուցիչներ:

Համաժողովը հարթակ կդառնա կապիտալի շուկաների ոլորտում առանցքային դերակատարների և փորձագետների հետ փոխգործակցության, ակտիվ երկխոսության և գաղափարների փոխանակման համար: Միջոցառումը կօգնի ուսումնասիրել կապիտալի շուկաների ոլորտում առկա միտումներն ու ռազմավարությունները, ինչպես նաև տեղեկանալ ներդրումների համար նոր գործիքների և հնարավորությունների մասին: