Հայաստանում տնտեսական ակտիվության աճը շարունակում է դանդաղել

Արմինֆո.Հայաստանում տնտեսական ակտիվության աճը 2023 թվականի հունվար-նոյեմբերին դանդաղել է մինչև տարեկան 9,4% (նախորդ տարվա 14,4% - ից)՝ ուղեկցվելով արտահանման և ներմուծման բարձր դինամիկայի խիստ նկատելի արգելակմամբ։ Այս մասին են վկայում ՀՀ վիճակագրական կոմիտեի վերջնական տվյալները։

Վիճակագրության համաձայն, 2023 թվականի հունվար-նոյեմբեր ամիսներին տնտեսական ակտիվության աճն առավելապես պայմանավորել են առևտրի հատված՝ տարեկան 24,3%, իսկ փոքր-ինչ պակաս՝ շինարարության ոլորտը՝ 15,6%, և ծառայությունների ոլորտը՝ 11,1%, որոնց ֆոնին արդյունաբերական հատվածի աճը չնչին էր՝ 2,1%։ Մեկ տարի առաջ՝ 2022 թվականի հունվար-նոյեմբեր ամիսներին, նշված բոլոր ոլորտներն աճ են գրանցել. ծառայությունների ոլորտը՝ 28,2%, էներգահամալիրը՝ 16,8%, առևտրի հատվածը՝ 16,2%, շինարարության ոլորտը՝ 13,9%, արդյունաբերական ոլորտը՝ 8,4%։