Արմինֆո."Երևանի էներգաարդյունավետության երկրորդ փուլ" ծրագրի իրականացման համար Հայաստանը ԵՆԲ-ից 25 մլն եվրոյի վարկ կներգրավի: Որոշումն ընդունվել է հունվարի 18-ին ՝ կառավարության նիստում։
Հայաստանի Հանրապետության և Եվրոպական ներդրումային բանկի միջև <Երևանի էներգաարդյունավետության երկրորդ փուլ> ֆինանսական համաձայնագրի ստորագրման առաջարկը հավանության է արժանացել ՀՀ կառավարության կողմից:
Փաստաթղթի պարզաբանման մեջ ասվում է, որ ծրագրի համաֆինանսավորման համար կներգրավվի 10,1 մլն եվրոյի չափով ներդրումային դրամաշնորհ՝ ԵՄ Հարևանության ներդրումային հարթակից: Ծրագիրը շարունակությունն է ներկայումս իրականացվող ծրագրի, որը ֆինանսավորվում է ԵՆԲ-ի կողմից:
Ծրագրի նպատակն է նվազեցնել Երևան համայնքի հասարակական շենքերի էներգասպառումը և աջակցել էներգաարդյունավետության և վերականգնվող էներգետիկայի միջոցառումներին, որոնք կներառեն անհրաժեշտ աշխատանքներ պոլիկլինիկաների և Մանկապարտեզների ընդհանուր տեխնիկական վիճակի բարելավման ուղղությամբ:
Մասնավորապես, ծրագրի իրականացման արդյունքում կհաջողվի նվազեցնել 38 հասարակական շենքերի (6 պոլիկլինիկա և 32 մանկապարտեզ) էներգասպառումը: Ծրագրի կանխատեսվող արդյունքներն են ՝ էլեկտրաէներգիայի ծախսերի նվազեցում, սեյսմիկ անվտանգության բարձրացում, այցելուների հարմարավետության և կյանքի որակի բարելավում, ածխաթթու գազի (CO2) արտանետումների կրճատում, վերանորոգվող շենքերի շահագործման ժամկետի երկարացում:
RUB | 4.23 | 0.01 |
USD | 387.32 | -0.31 |
EUR | 416.10 | 1.18 |
GBP | 486.40 | 1.36 |
CAD | 283.52 | 1.05 |
JPY | 25.30 | 0.30 |
CNY | 53.49 | -0.04 |
CHF | 426.85 | 1.63 |